1994 jyldan beri «Bolashaq» baǵdarlamasy boıynsha 8 131 stıpendııa taǵaıyndaldy
Búgin Astanada «Kazakhstan Education Abroad» kórme-forýmyna baılanysty ótken baspasóz máslıhatynda «Halyqaralyq baǵdarlamalar ortalyǵy» AQ-nyń prezıdenti Saıasat Nurbek osylaı málim etti.
Sóz arasynda «Bolashaq» baǵdarlamasynyń tarıhyna toqtalǵan Saıasat Nurbek, onyń 1993 jyly Elbasy N. Nazarbaevtyń bastamasymen qurylǵanyn atap ótti.
«Halyqaralyq baǵdarlamalar ortalyǵy» bilim salasyndaǵy 500-den astam ártúrli áriptes-joǵary oqý oryndarymen, túrli bilim berý uıymdarymen jumys istep keledi. «Bolashaq» stıpendııasy ıegerleri arasynda bilim alýshylardyń basym bóligi Ulybrıtanııany tańdaǵan, bul kórsetkish 42 paıyzdy, al AQSh-ta oqýshylar sany 24 paıyzdy, Reseıde oqıtyndar - 7 paıyzdy qurap otyr. Byltyr «Bolashaqty» 1066 azamat bitirdi», - dedi S. Nurbek.
