1992-2012 jyldardaǵy halyqtyń kútiletin ómir uzaqtyǵy 67,4-den 69,6 jasqa artty
ASTANA. 13 jeltoqsan. QazAqparat - 1992-2012 jyldardaǵy halyqtyń kútiletin ómir uzaqtyǵy 67,4-den 69,6 jasqa artty. Bul týraly búgin QR Statıstıka agenttiginiń tóraǵasy Álıhan Smaıylov málim etti.
«1992-2012 jyldardaǵy halyqtyń kútiletin ómir uzaqtyǵy (KÓU) 67,4-den 69,6-ǵa artty. 1992 jyldan bastap 1995 jylǵa deıin KÓU 67,4-ten 63,5-ke deıin tómendedi. Budan keıin onyń artý úrdisi baıqaldy. 2012 jyly ol aldyn ala baǵalaý boıynsha 69,6 jasty qurady. Onyń ishinde erlerde - 64,8 jas, áıelderde - 74,3 jas», - dedi ol.
Agenttik basshysynyń aıtýynsha, 1995 jylmen salystyrǵanda ómirdiń ortasha kútiletin uzaqtyǵy kórsetkishi erlerde - 6,8 jasqa, áıelderde - 4,9 jasqa ulǵaıǵany baıqaldy. Bul kezde osy kórsetkishtiń genderlik belgisi boıynsha aıyrmasy 1995 jyldaǵy 11,4 jastan 2012 jyldaǵy 9,5 jasqa deıin qysqardy.
