1991 jyldyń 1 jeltoqsanyndaǵy saılaýda Qazaqstan halqy óz taǵdyryn Nursultan Nazarbaevqa senip tapsyrdy – Q. Saýdabaev
ASTANA. 1 jeltoqsan. QazAqparat /Rýslan Ǵabbasov/ - 1991 jyldyń 1 jeltoqsanyndaǵy saılaýda Qazaqstan halqy óz taǵdyryn Nursultan Nazarbaevqa senip tapsyrdy. Bul týraly búgin Astanadaǵy EQYU Sammıtiniń plenarlyq otyrysynda EQYU-nyń Іs basyndaǵy Tóraǵasy, QR Memlekettik hatshysy-Syrtqy ister mınıstri Qanat Saýdabaev aıtty.
«1991 jyldyń 1 jeltoqsanynda Qazaqstan tarıhynda el Prezıdentiniń jalpy halyqtyq saılaýy ótti. Onda bizdiń halqymyz óz taǵdyryn Nursultan Nazarbaevqa senip tapsyrdy. Osy oraıda osy ataýly datamen Memleket basshysyn quttyqtaımyn», -dedi Q. Saýdabaev EQYU Sammıtiniń plenarlyq otyrys barysynda.
Qazaqstan táýelsizdiginiń 19 jyldyǵy qarsańynda EQYU sekildi bedeldi uıymnyń tóraǵasy retinde Uıymnyń Sammıtin qabyldap otyrǵadyǵyn aıtqan Q. Saýdabaev: «Bul óz kezeginde halyqaralyq qoǵamdastyqtyń bizdiń eldiń eleýli tabystaryn, ıaǵnı táýelsizdiktiń osy az ǵana ýaqytynda elimizdiń áleýmettik-ekonomıkalyq, demokratııalyq damýyn obektıvti túrde moıyndaýy bolyp tabylady" -dedi.
