1980 jylǵy Olımpıada chempıony qaıtys boldy
ASTANA. QazAqparat - AQSh quramasynyń burynǵy hokkeıshisi, 1980 jyly Leık-Plesıde ótken qysqy Olımpıada oıyndarynyń chempıony Bob Sýter 57 jasynda dúnıeden ozdy. Bul týraly jergilikti BAQ habarlady.
Sýter «muz aıdynyndaǵy ǵajaıyp» avtorlarynyń biri boldy, 1980 jylǵy 22 aqpanda ótken KSRO men AQSh quramalary arasyndaǵy oıyn osylaı atalyp ketti. Ol kezde KSRO komandasy fınaldyq týrnırdiń birinshi matchynda stýdentterden qurylǵan oıynshylar komandasynan 3:4 esebimen jeńilgen bolatyn. Amerıkandyqtar budan keıin túpkilikti jeńiske jetti, olar Fınlıandııa quramasymen fınaldyq týrnırdiń qorytyndy matchynda Olımpıada altynyn qanjyǵalaryna baılady.
Sońǵy ýaqytta Bob Sýter óziniń uly oınaıtyn «Mınnesota» komandasynda skaýt bolyp qyzmet etti, dep habarlaıdy ITAR-TASS.
