1980 jyldan beri qaraı týǵandardyń barlyǵy tek ózderiniń zeınetaqy júıelerine ǵana úmit artýy kerek - S. Ábdenov
ASTANA. 2 mamyr. QazAqparat - Qazaqstanda 1980 jyldan beri qaraı týǵan azamattardyń barlyǵy tek ózderiniń zeınetaqy jınaqtaryna ǵana úmit artýy kerek.
Búgin QR Parlament Senatynda elimizdegi zeınetaqyny jańǵyrtýǵa arnalǵan zań jobalaryn tanystyrý barysynda depýtattar saýalyna jaýap bergen QR Eńbek jáne halyqty áleýmettik qorǵaý mınıstri Serik Ábdenov osylaı málim etti.
Mınıstrdiń aıtýyna qaraǵanda, 2012 jyldyń qorytyndysy boıynsha bazalyq, eńbek ótiline baılanysty yntymaqtyq jáne jınaqtaý júıesin qamtyǵan zeınetaqynyń ortasha mólsheri 41 myń teńgeni qurady. Onyń ishinde yntymaqty zeınetaqy 32 paıyzdy, jınaq júıesindegi zeınetaqy mólsheri 3,1 paıyzdy quraǵan. Al mınıstrdiń paıymynsha, bundaı úderis budan keıingi jyldar ishinde saqtalǵan bolsa, onda 2050 jylǵa qaraı zeınetaqy mólsheriniń qysqarýy 4 esege deıin jetpek. «Bul negizinen yntymaqty júıesiniń qysqartylýymen baılanysty, sonymen bir mezgilde jınaqtaýshy zeınetaqy júıesi de tıisti deńgeıde damymaı otyr. Bizdiń búgingi mindetimiz osy júıeni jańǵyrtý», - dep atap ótti S. Ábdenov. Bul rette vedomstvo basshysy elimizde aldaǵy ýaqytta 80-shi jyly jáne odan keıin týǵan áıelder yntymaqty júıeden bir de bir teńge almaıtynyn, ıaǵnı negizgi aýyrtpashylyq jınaqtaýshy júıege túsetinin alǵa tartady. «ıAǵnı, aldaǵy ýaqytta 1980 jyldardan beri týǵandar tek bazalyq jáne jınaqtalǵan zeınetaqy júıesine ǵana úmit arta alady. Sondyqtan da, 1980 jyldan beri qaraı týǵandar zeınetaqy jınaqtaryna barynsha den qoıýǵa tıis. Úkimet te osy máseleler boıynsha jumyspen qamtý, jınaq salymyna yntalandyrý sharalaryn budan keıingi kúni de qarastyratyn bolady», -deıdi mınıstr.
