1976 jylǵy Olımpıada júldegeri shańǵy jarysynan el chempıonatynda ekinshi oryn aldy
KÓKShETAÝ. QazAqparat - Aqmola oblysynda ardagerler arasynda shańǵy jarysynan el chempıonaty máresine jetti, dep habarlaıdy «QazAqparat» HAA tilshisi.
Sandyqtaý aýdanynyń Balkashın selosynda ótken saıysqa Astana, Rýdnyı, Kókshetaý, Qostanaı, Zyrıanovsk, Arqalyq, Petropavl, Qaraǵandy qalalary men Sandyqtaý, Býrabaı jáne Zerendi aýdandarynan kelgen 56 kelgen sportshy qatysty.
Jarys qorytyndysyna saı komandalyq esep boıynsha №1 «Rýdnyı» komandasy birinshi oryn ıelense, júldeli ekinshi jáne úshinshi oryndardy Şýche qalasyndaǵy №1 «Býrabaı» jáne №2 «Býrabaı» komandalary ózara bólisti. Chempıonattyń ereler arasyndaǵy eń eresek sportshysynyń jasy 74-te bolsa, áıelder arasynda qostanaılyq Zınaıda Baıdeldiń jasy 67-de. Onyń shańǵy sportymen aınalysyp júrgenine 50 jyldan asady. Ol óz jasyndaǵy áıelder arasynda birinshi oryndy jeńip aldy.
Al erler arasynda ótken klasıkalyq ádiste ataqty shańǵyshy, 1976 jylǵy Olımpıadanyń eki dúrkin qola júldegeri Ivan Granın óziniń jasyna qaramastan rýdnyılyq Nıkolaı Hrapýnovty alǵa jiberip, júldeli ekinshi oryn ıelendi. 
Ardagerler jastaryna qaramastan ózderiniń sheberlikterin kórsetip, keleshek jastarǵa sportpen kez kelgen jasta aınalysýǵa bolatynyn dáleldep berdi.
