197 qazaqstandyq Nazarbaev Ýnıversıtetinde bakalavrıat baǵdarlamasyna tikeleı túsýge nemese basqa joǵary oqý oryndarynan aýysýǵa talpynyp otyr
ASTANA. 21 maýsym. QazAqparat - Nazarbaev Ýnıversıtetine «tikeleı túsý» jáne «basqa joǵary oqý oryndarynan aýysý» baǵdarlamalary boıynsha 197 úmitker tirkeldi.
Qabyldaý komıssııasy talapkerlerdiń ótinishterin 2013 jylǵy shilde aıynan bastap qaraıtyn bolady.
Bul týraly atalmysh joǵary oqý ornynyń baspasóz qyzmetinen habarlady.
Barlyǵy 173 (byltyrǵy jyly - 171) adam Ýnıversıtettiń Daıyndyq ortalyǵyna (Foundation baǵdarlamasy) túspeı-aq, tikeleı Ýnıversıtettiń bakalavrıat baǵdarlamasyna oqýǵa túsýge nıet bildirdi. Olardyń ishinde - 119 qazaqstandyq mektepteriniń túlekteri, 43 respýblıkalyq jáne halyqaralyq olımpıada jeńimpazdary jáne 7 adam álemniń joǵary oqý oryndarynda Foundation baǵdarlamasyn úzdik bitirip úmitker bolyp otyr.
Sonymen qatar, 24 talapker (2012 jyly 28 úmitker bolatyn) Nazarbaev Ýnıversıtetine basqa joǵary oqý oryndarynan aýysýǵa nıet bildirdi. Olardyń ishinde - 17 qazaqstandyq ýnıversıtettiń stýdentteri jáne 7 sheteldik oqý oryndarynyń stýdentteri, sondaı-aq A-level (joǵary oqý orynda oqýǵa halyqaralyq daıyndyq baǵdarlama) sertıfıkatynyń 4 ıegeri.
Úmitkerler óz bilimin daıyndyq deńgeıine jáne ýnıversıtettiń ár mektebindegi bos oryndarǵa sáıkes, Nazarbaev Ýnıversıtetiniń bakalavrıat baǵdarlamalarynyń 1 nemese 2 kýrsynda oqýlaryn jalǵastyra alady.
Qazirgi tańda Nazarbaev Ýnıversıtetinde 1 500-ge jýyq stýdent oqıdy. Bakalavrıat baǵdarlamalary Nazarbaev Ýnıversıtetiniń úsh mektebinde: Injenerııa mektebinde, Ǵylym jáne tehnologııalar mektebinde, Gýmanıtarlyq jáne áleýmettik ǵylymdar mektebinde usynylady. Byltyr Nazarbaev Ýnıversıteti 29 stýdentti oqýǵa tikeleı qabyldap, onyń ishinde eki stýdent Almaty men Petropavl qalalaryndaǵy joǵary oqý oryndarynan aýysty.
