1949-2010 jyldar aralyǵynda týǵan Qazaqstan azamattaryna 70 000 teńge aýdarylady — feık

ASTANA. KAZINFORM – 1949-2010 jyldar aralyǵynda týǵan Qazaqstan azamattaryna 70 000 teńge aýdarylatyny týraly áleýmettik jeliler men messendjerlerde taratylyp jatqan aqparat shyndyqqa janaspaıdy. Bul týraly Eńbek jáne áleýmettik qorǵaý mınıstrligi málim etti.

Qarajatty aýdarý úshin belgisiz adamdar siltemege ótýdi usynady.

— Áleýmettik kómektiń mundaı túri joq ekenin habarlaımyz. Tıisinshe, kórsetilgen silteme alaıaqtar úshin azamattardyń jeke derekterin alý tásili bolýy múmkin. Alaıaqtarmen ózara árekettesýdi boldyrmaý úshin siltemege ótpeýge keńes beremiz, — delingen mınıstrliktiń habarlamasynda.

Memlekettik qoldaýdyń tıisti sharalary týraly resmı aqparat tek qana 1414 nómirinen SMS-habarlamalar arqyly taratylady.

Vedomstvo azamattarǵa tek resmı kózderdegi aqparatty paıdalanýyn ótingen.

Jalǵan aqparat taratý zańmen jazalanatynyn eske salǵan.

Eske sala keteıik, buǵan deıin Eńbek jáne halyqty áleýmettik qorǵaý mınıstrligi Qazaqstanda 4 jáne 5 balaly otbasylar kópbalaly otbasylarǵa arnalǵan memlekettik járdemaqydan aıyrylýy múmkin degen aqparat shyndyqqa janaspaıtynyn habarlaǵan edi.