1949-1957 jyldary ekrandalǵan «Jalǵyz reındjer» telehıkaıasyndaǵy akterdiń kostıými $195 myńǵa satyldy
ASTANA. QazAqparat - Jalǵyz reındjerdiń rólin somdaǵan amerıkandyq akter Kleıton Mýrdyń kostıými Tehas shtatynyń Ýeıko qalasynda A&S Auction aýktsıon úıinde $195 myńǵa satyldy.
NBC telearnasynan 1949-1957 jyldar aralyǵynda kórsetilgen tanymal talehıkaıada betperde kıgen tehastyq reındjerdiń rólin Kleıtonnyń somdaýymen barlyǵy 169 serııa túsirilgen-di. Telehıkaıa amerıkandyqtardyń ystyq yqylasyna bólendi. Alaıda bul serıaldan soń Mýr kınoakter karerasymen qosh aıtysyp, odan keıingi 40 jyl boıy televıktorınalar men túrli kommertsııalyq jobalarǵa qatysty. Bul sharalardyń barlyǵynda ol reındjerdiń kostıýmin - kógildir jeıde men shalbar, qyzyl moıyn oramaly men kobvoı qalpaǵyn, etigin kıip barǵan. Naq osy kostıýmdi aýktsıonǵa ony 1999 jyly Kalıfornııadaǵy aýktsıonda satyp alǵan tehastyq bıznesmen Boba Devıstiń týystary shyǵardy.
Aıta keteıik, atalmysh telehıkaıanyń jelisi boıynsha túsirilgen fılm 2013 jyly jaryqqa shyqqan edi, alaıda ol aldyńǵy serıal tárizdi zor tabysqa ıe bola almady, dep habarlaıdy ITAR-TASS.
