1945 j. 29 sáýiri: Keńes áskerleri Reıhstagqa tike shabýyldy bastady
Munyń aldynda jaýyngerlerimiz Shpree ózenindegi Moltke kópirin jáne Reıhstagqa qatar ornalasqan ishki ister mıınıstrliginiń ǵımaratyn basyp alǵan bolatyn. Bul týraly «Sotsıalıstik Qazaqstan» gazetiniń 1945 jyldyń 1-shi mamyryndaǵy (seısenbi) №85-shi sanynda basylǵan Keńes aqparat bıýrosynyń málimetinde aıtylǵan.
Degenmen alǵashqy shabýyldar sátsiz aıaqtaldy. Óıtkeni Reıhstagty 5 myń adamdyq garnızon qorǵady. Olardyń kópshiligi SS áskerleri bolatyn. Onyń ústine ǵımarattyń aınalasyndaǵy ishine sý toltyrylǵan tankke qarsy tereń or shabýyl jasaýdy qıyndatty. Biraq soǵan qaramastan áskerlerimiz tolassyz shabýyldaýmen boldy.
Sonymen qatar, bul kúni 1-shi Belorýs maıdanynyń áskerleri Berlınniń soltústik jaǵyndaǵy birqatar eldi-mekenderdi aldy.
«1-shi BELORÝS maıdanynyń áskerleri BERLINDE qııan-keski kóshe urystaryn júrgize otyryp, MOABIT aýdanyn, Angalt vokzalyn jáne qalanyń ortalyq bóligindegi 177 kvartalyn aldy. Sonymen qatar, 14 zaýytty basyp alyp, ondaǵy 12 myń áskerı tutqyndy bosatty. Maıdan áskerleri BERLINNІŃ soltústiginde IOHIMSTALЬ, GROSS-DELLЬN, GROSS-ShENEBEK, KLANDORF, MARIENVERDER, VEZENDORF, LIBENTALЬ, HAMMER, LIBENVALЬDE iri eldi-mekenderin basyp aldy», - delingen málimette.
2-shi BELORÝS maıdanynyń áskerleri Germanııanyń soltústiginde urystar júrgize otyryp, 29 sáýirde ANKLAM, FRIDLAND, NOIBRANDENBÝRG jáne LIHEN qalalaryn basyp alyp, MEKLENBÝRG provıntsııasyna endi. Sondaı-aq, ıÝKERMıÝNDE, MENKEBÝDE, ROZENHAGEN, DÝHEROV, PÝTTsAR, ShENBEK, VOLЬDEGK, KELЬPIN, BÝRG-ShTARGARD, GRAMELOV, GANDENITTs, HAMMELЬShPRING iri eldi-mekenderin aldy.
28-shi sáýirdegi urystarda maıdan áskerleri 2000-ǵa jýyq nemis soldaty men ofıtserin tutqyndap, 106 dala zeńbiregin oljalady.
1-shi ÝKRAIN maıdanynyń áskerleri de BERLINNІŃ ońtústik-batys jaǵynda kóshe urystaryn júrgizýde.
«1-shi ÝKRAIN maıdanynyń áskerleri VILЬMERSDORF aýdanynyń ońtústik bóligin jáne qalanyń aınalma temir jol jelisindegi GOGENTsOLLERNDAMM jáne HALENZEE temirjol stansalaryn basyp aldy. Maıdan áskerleri osy kúni bul aýdannan 5000-nan astam nemis soldaty men ofıtserin tutqyndady», - delingen málimette.
BERLINNІŃ ońtústik shyǵysynda VENDISh-BÝHGOLЬTs eldi-mekeniniń tusynda 1-shi BELORÝS jáne 1-shi ÝKRAIN maıdanynyń áskerleri qorshaýǵa túsken nemis áskerlerin tolyǵymen talqandady. 28-shşi jáne 29-shi sáýirde bolǵan urystarda bul aýdanda bizdiń áskerler 40 000 astam nemis soldaty men ofıtserin tutqyndady.
Chehoslovakııa jerinde 2-shi ÝKRAIN maıdanynyń áskerleri urys júrgize otyryp, BORShITsE, OSVЬETYMANY, VRJESOVITsE, NEHVALIN, LOVChITsE, JDıANITsE, BÝChOVITsE, ORLOVITsE, MORAVSKI PRÝSY, DRNOVITsE iri eldi-mekenderin aldy.
Maıdannyń basqa ýchaskelerinde eleýli ózgerister bolǵan joq.
