1945 j. 28 sáýiri: Keńes áskerleri Berlınniń ortalyǵyna jaqyndady - Reıhstagqa deıin birneshe júz metr qaldy
Bul kúni 1-shi Belarýs maıdanynyń 3-shi ekpindi armııasy Berlınde saıası tutqyndarǵa arnalǵan «Moabıt» túrmesin dushpannan azat etip, Shpree ózenindegi, Moltke kópirine jaqyndady. Arǵy bettegi Reıhstag ǵımaratyna birneshe júz metr qaldy. Osy kúngi taratylǵan Keńes aqparat bıýrosynyń málimetinde: «1-shi BELARÝSЬ maıdanynyń áskerleri BERLINDE kóshe urystaryn júrgize otyryp, qalanyń soltústik-batysyndaǵy ShARLOTTENBÝRG aýdanyn Bısmark shtrasse kóshesine deıin, MOABIT aýdanynyń batys bóligin jáne ShENEBERG aýdanynyń shyǵys bóligin basyp aldy» - delingen. Al 27-shi sáýirde bolǵan urystarda maıdan áskerleri 9000-nan asa nemis soldaty men ofıtserin qolǵa túsirip, 100-den asa - dala zeńbiregin, 135 pýlemetti, 1800 avtokólikti jáne soǵys múlki jınalǵan 50 qoımany oljalaǵan. Sonymen qatar 1-shi Ýkraın maıdanynyń áskerleri de qalada kóshe urystaryn júrgizýde. «1-shi ÝKRAIN maıdanynyń áskerleri BERLINNІŃ ońtústik-batysynda urys júrgize otyryp, FRIDENAÝ, GRÝNEVALЬD jáne RÝLEBEN aýdandaryn basyp aldy. Sóıtip, SIMENSShTADT aýdanyn basyp alǵan 1-shi BELARÝSЬ maıdanynyń áskerleriniń bólimshelerimen birikti. Sondaı-aq BERLINNІŃ ońtústik-shyǵysynda ormandy-kóldi aımaqta eki maıdannyń áskerleri nemis áskerleriniń úlken tobyn qorshaýǵa alyp, ony talqandaýǵa kiristi» - delingen málimette. 27-shi sáýirde bolǵan urystarda 1-shi ÝKRAIN maıdanynyń áskerleri 18 000 asa nemis oldaty men ofıtserin qolǵa túsirip, 55 tankti, 268 dala zeńbiregin, 2150 avtokólikti, 39 paravozdy, 900 temir jol vagonyn jáne ár túrli soǵys múlki qoıylǵan 150 qoımany oljalady. Al 2-shi BELARÝSЬ maıdanynyń áskerleri batys Pomeranııa jerinde EGGEZIN, TORGELOV, PAZEVALЬK, ShTRASBÝRG, TEMPLIN qalalaryn jáne RIT, LÝKOV, GAMMER, VALЬDESHEZ, BLıÝMENHAGEN, GıÝTERBERG, TAShEN-BERG, KRAATTs, PARMEN, VEGGÝN, BOITsENBÝRG, HARDENBEK, HASLENBEN, GERS-VALЬDE, RINGENVALЬDE, FRIDRIHSVALЬDE eldi mekenderin aldy. 27 sáýir kúni bolǵan urystarda maıdan áskerleri 1000-nan astam nemis soldaty men ofıtserin qolǵa túsirip, 70 jaý ushaǵyn oljalady. ChEHOSLOVAKIıA jerinde 2-shi ÝKRAIN maıdanynyń áskerleri shabýyldaı otyryp, POPOVITsE, KÝNOVITsE, JERAVITsE, KIEV, JAROShITsE, RAShOVITsE, LETONITsE, KOZLANY, BOGDALITsE, NEMOıANY, TABROVANI eldi mekenderin jaýdan azat etti.
