1937 jyly jaryqqa shyqqan «Hobbıttiń» alǵashqy kitaby 137 myń fýntqa satyldy

ASTANA. QazAqparat - Aǵylshyn jazýshysy Djon Tolkıenniń avtorlyq qoltańbasy bar «Hobbıt» kitabynyń birinshi basylymy Londondaǵy «Sotheby's» bássaýdasynda rekordtyq 137 myń fýnt sterlıngke satyldy, dep habarlady «RIA Novostı» agenttigi.

«1937 jyly shyqqan fentezı janryndaǵy alǵashqy basylym bastapqy baǵasynan 2 ese kóp aqsha jınap, jańa álemdik rekordty ornatty», delingen «Sotheby's» habarlamasynda. Tolkıen týyndylarynyń buǵan deıingi álemdik rekordy 2008 jyly ornatylǵan. Bul kezde «Hobbıttiń» kóshirmesi 50 myń fýnt sterlıngke satylǵan edi.