1937 jylǵy kartınada úndistiń qolynan iPhone «tabyldy»
ASTANA. QazAqparat - Sýretshi Ýmberto Romanonyń 1937 jylǵy kartınasynan qolynda iPhone-ǵa uqsaıtyn bir zatty ustap turǵan úndis tabyldy, dep habarlaıdy Motherboard.
Atalyp ótilgendeı, ıtalııalyq sýretshi Ýmberto Romano 1937 jyly «Pınchon myrza men Sprıngfıld qonysy» kartınasyn aıaqtaǵan. Ol jerde brıtandyq kolonıst Ýılıam Pınchon beınelengen.
Onyń janynda iPhone-ǵa uqsaıtyn bir zatty ustap turǵan dástúrli kıim kıingen úndis tur.
Onyń qasyndaǵy taǵy bir er adam da sol zatty qyzyǵýshylyqpen tamashalaýda. Motherboard redaktory Braıan Andersonnyń aıtýynsha, bul kartına týraly tarıhshy Denıela Kroýnnyń sýretshi týraly maqalalarynan bilgen.
Tarıhshy kartınadaǵy keıipkerdiń qolyndaǵy zaty smartfon emes, qarapaıym aına dep esepteıdi. Onyń pikirinshe, ol jergilikti amerıkalyqtar qoǵamyndaǵy joǵary mártebeni bildirýi múmkin.
