«1937 jyl. Erte solǵan gúlder» beınebaıany jaryqqa shyqty
ASTANA. 25 qańtar. QazAqparat /Arman Asqarov/ - Saıası qýǵyn-súrgin qurbandarynyń «Aljır» memorıaldy-murajaı kesheninde «1937 jyl. Erte solǵan gúlder» beınebaıanynyń tanystyrylymy boldy.
HH ǵasyrdyń 37-nshi jyldary bolǵan surapyl qýǵyn-súrgin oqıǵalarynyń qurbandaryna arnalǵan beınebaıan «Erte solǵan gúlder» óleńiniń negizinde túsirildi. Sózin jazǵan aqyn Jarasbaı Nurqan, ánniń avtory - Ersaıyn Narymbaev. Oryndaýshy - ánshi Azamat Jyltyrkózov. «Men ózim án jazǵan ýaqytta óleńniń sózine basty nazar aýdaramyn. Al Jarasbaı Nurqannyń osy óleńin alǵash ret oqyǵan kezde, erekshe bir sezimge bólendim. Onyń jaryqqa shyqqan alǵashqy nusqasyn birden qıyp alyp, áli kúnge deıin saqtap kelemin. Bul óleń meni aıryqsha bir tolǵanysqa túsirdi. Sodan keıin men osy óleńge án jazyp shyqtym», - deıdi E.Narymbaev.
Ókinishke qaraı, óleń sózin jazǵan aqyn Jarasbaı Nurqan búginde aramyzda joq. Ol 1937 jyly týǵan eken. Osy jyldary bolǵan qasiretti sol sebepti de óz shyǵarmashylyǵyna arqaý etken.
