1937 jáne 2021: Ár jyldardaǵy kúntizbeler nege bir-birin qaıtalaıdy
NUR-SULTAN. QazAqparat - Qaznet paıdalanýshylary 2021 jylǵa arnalǵan kúntizbeni satyp almaı, 1937 jylǵy eskisin paıdalanýdy usynyp jatyr. Bireýdiń úıinen 84 jyl buryn shyqqan kúntizbeniń tabylýy ekitalaı, biraq tabyla qalǵan jaǵdaıda ondaǵy kúnder 2021 jyldyń jańa kúntizbesimen tolyq sáıkes keledi, dep habarlaıdy QazAqparat.
Stopfake.kz taratqan aqparatqa sensek, mundaı kúntizbeler erekshe qubylys emes. Jeli paıdalanýshylary óz baqylaýymen jáne ár jyldardaǵy birdeı kúntizbelerdiń fotosýretterimen jıi bólisedi .
Mysaly, 2014 jyly kúnder 1986 jylǵymen tolyq sáıkes kelgen, al 2019 jylǵy kúnder 2013 jylmen birdeı bolǵan.
Kúntizbelerdiń osyndaı sáıkestigin esepteý qıyn emes: kibise jyldaǵy kúntizbeler ár 28 jyl saıyn tolyǵymen qaıtalanady.
Al odan keıingi jyl kúntizbesi 11 jyl burynǵy kúntizbege sáıkes bolady. ıAǵnı, 2017 jylǵy kúntizbe 2006 jylǵy nemese 1995 jylǵy kúntizbege uqsas bolǵan.
Bolashaqta esepteý úshin kibise jyldan keıingi jylǵa alty jyl qosý kerek. Demek, 2017 jyldyń kúntizbesi 2023 jyly da ózekti bolady.
Al kibise jylǵa deıingi jyldar kerisinshe sanalady – izdep otyrǵan jylǵa qaı jylǵy kúntizbeniń sáıkes keletinin bilý úshin altyny alamyz jáne kúntizbeniń qaı jyly qaıta qajet bolatyndyǵyn túsiný úshin 11 qosamyz.
Kibise jylǵa deıingi jáne odan keıingi jyldardaǵy turaqty jyldar úshin esepteý erejeleri birshama qarapaıym – 11 jyldy qosý jáne alý qajet.
Osy esepteýlerge súıene otyryp, Máńgilik kúntizbeler ázirlengen.
Olar aınalmaly dıskiler nemese kesteler túrinde jasalyp, kestege engizilgen kez kelgen jyly belgili bir kúnge aptanyń qaı kúni túsetinin anyqtaýǵa múmkindik beredi.
