1936 jylǵy Olımpıadanyń altyn medali 1,5 mln. dollarǵa satyldy
ASTANA. 9 jeltoqsan. QazAqparat - 1936 jyly Berlınde ótken Olımpıada oıyndarynda amerıkandyq jeńil atletshi Djessı Oýenske buıyrǵan altyn 8 jeltoqsan kúni onlaın SCP bassaýdasynda 1466574 dollarǵa satyldy.
Bul týraly Associated Press habarlady.
Medaldi amerıkandyq mıllıarder Ron Berkl satyp aldy.
1936 jyly Adolf Gıtlerdiń qatysýymen Berlınde ótken jazǵy Olımpıada oıyndarynda AQSh quramasynyń sapynda baǵyn synaǵan qara násildi sportshy tórt altyn ıelengen bolatyn.
Bássaýdada satylǵan medal osyǵan deıin bıshi Bılla Robınsonǵa tıesili boldy. Ony Oýenstiń ózi oǵan jumys izdeýge kómekteskeni úshin alǵys retinde syılaǵan. Qalǵan úsh medaldiń qaıda ekeni belgisiz.
