1936 jylǵy Nobel medali Nıý-Iorkte saýdaǵa túsedi
ASTANA. QazAqparat - 1936 jyly Karlos Saavedre Lamasqa tabystalǵan Nobel syılyǵy bássaýdaǵa túsedi. Ol Argentınanyń sol kezdegi syrtqy ister mınıstri qyzmetin atqarǵan, dep habarlady Bı-Bı-Sı.
Altyn medaldi kollektsıoner Ońtústik Amerıkada kezdeısoq taýyp alǵan. Lamasqa beıbitshilik salasyndaǵy Nobel syılyǵy Chak soǵysy degen atpen tanylǵan Paragvaı men Bolıvııa arasyndaǵy úsh jyldyq áskerı qaqtyǵysty toqtatýda jasaǵan áreketi úshin berilgen. 23 karattan turatyn medal uzaq jyldar boıy joǵalǵan dep sanalyp kelgen. Bássaýdany uıymdastyrýshylar ol úshin 100 myń dollar alýdy kózdep otyr.
