1935 jyly Habarovskide bolǵan ushaq apaty ornynan adam súıekteri tabyldy
ASTANA. QazAqparat - Habarovsk ólkesinde teńiz qutqarýshylary 1935 jyly «Savoııa-Markettı S-55» gıdroushaǵy apatqa ushyraǵan orynnan adam súıekterin taýyp, apat ornyna eskertkish taqtasyn ornatty, dep habarlady RIA Novostı.
«AvıaPoısk» izdeý birlestigi» teńiz jaǵasyndaǵy aımaqtyq qoǵamdyq jastar uıymynyń jáne «Reseı izdeý qozǵalysy» búkilreseıik qoǵamdyq qozǵalysy aımaqtyq bóliminiń izdeýshileri 1935 jyly 26 maýsymda Sahalınnen Habarovskige bet alyp, iz-tússiz joǵalǵan SSSR L-840 nómirli «Savoııa-Markettı S-55» áýe kemesi apat bolǵan orynda izdeý jumystaryn aıaqtady. Bortta úsh ekıpaj múshesi jáne toǵyz jolaýshy, onyń ekeýi KSRO ishki ister halyq komıssarıatynyń qyzmetkeri bolǵan», - dep habarlady izdeýshiler.
«Savoııa» apat bolǵan oryn Habarovsk ólkesiniń Lazarev aýyly mańyndaǵy taıgadan 2015 jyly tabyldy. Onda izdeý jumystary barysynda 118 adamnyń súıek bólshekteri jáne jolaýshylardyń jeke zattary tabylyp, Lazarev aýylynyń polıtsııasyna tabystalǵan.
Adam súıekteri polıtsııa organdaryna jáne olardy jerleý máselesin sheshetin bılikke beriledi.
30 shilde kúni teńiz zertteýshileri Qıyr Shyǵys ný ormanynda opat bolǵan ushaqtar izimen «Tumanǵa ketkender» aımaqaralyq ekspedıtsııasyna attandy. Reıdtiń negizgi mindeti Qıyr Shyǵystaǵy jáne batpaqty mekenderdegi ushaq apaty oryndaryndaǵy dala jumysy, onyń ekıpaj qaldyǵyn zertteý. Eń kemi apat bolǵan jeti ushaqtyń ornyn zertteý josparlanyp otyr. Joba 1930-60 jyldary qaza tapqan Qıyr Shyǵys ushqyshtaryn máńgi este saqtaýǵa baǵyttalǵan.
