190 mln: Aqmola oblysynda bıýdjet qarjysyn jymqyrǵan sybaılastar sottaldy

Aqmola oblysynda sybaılasyp 190 mıllıon teńge bıýdjet qarjysyn jymqarǵan Tselınograd aýdandyq qurylys bóliminiń, «Eńbek Arshaly» RMK fılıalynyń jáne JShS basshylaryna qatysty sot  úkimi shyqty, dep habarlaıdy Kazinform. 

Aqmola oblysy soty baspasóz qyzmetiniń málimetinshe, atalǵan adamdar Qosshy qalasynda elektrmen jabdyqtaý obektilerin salý jobasy boıynsha jumys aktilerine qol qoıyp, naqty oryndalmaǵan jumystar úshin bıýdjet qarajatyn aýdarý jolymen asa iri mólsherde aqsha jymqyrǵan (QK 189-baby 4-bóliginiń 2-bólimshesi).

Sotta Tselınograd aýdandyq qurylys bóliminiń jáne «Eńbek Arshaly» RMK fılıalynyń basshylary kinásin moıyndamady, al JShS basshysy kinásin ishinara moıyndady.

Sottalýshylardyń kinási memlekettik satyp alý týraly shartymen, saraptama qorytyndylary, jobalaý-smetalyq jáne býhgalterlik qujattarmen rastaldy.

«Qosshy qalalyq sotynyń úkimimen Tselınograd aýdandyq qurylys bóliminiń basshysyna 7 jylǵa, «Eńbek Arshaly» RMK fılıalynyń basshysyna 8 jylǵa bas bostandyǵynan aıyrý jazasy taǵaıyndaldy. Al qylmystyń ashylýyna belsendi yqpal etip, zalaldy ishinara ótegenin esepke ala otyryp, JShS basshysy shartty túrde 7 jylǵa bas bostandyǵynan aıyryldy. Sottalǵandardan keltirilgen materıaldyq zalal memleket kirisine ortaq tártippen óndirildi», - dedi Aqmola oblysy sotynyń baspasóz qyzmetinen.

Sot úkimi zańdy kúshine engen joq.

Aıta ketsek, budan buryn Aqmola oblysynda alaıaqtyq jolmen bıýdjet aqshasyn jymqyrǵan esepshi sottalǵanyn jazǵan edik.