19 jyldan beri túrmede otyrǵan Qazaqstan azamaty Dýbaı sotynan keshirim berýin surady
ASTANA. QazAqparat - BAÁ-de jeńgetaıdy óltirgeni úshin 1998 jyly ómir boıyna qamaýǵa alynǵan Qazaqstan jáne Ózbekstannyń áıel azamattary keshirim berý jaıly tórtinshi márte ótinish jazdy, dep habarlaıdy Gulfnews.
Buǵanǵa deıingi úsh ótinish te 2013, 2014 jáne 2016 jyldary birinshi sot ınstantsııasynan qaıtaryldy. Qazaqstan jáne Ózbekstan azamattary BAÁ-de jezókshelikpen aınalysyp, Reseıden kelgen jeńgetaılaryn óltirgeni úshin jazaǵa tartyldy.
Sot qujattaryna sáıkes, eki áıel men ıordandyq azamat oqıǵa qurbany bolǵan áıelge uıyqtap jatqan jerinde as úı pyshaǵyn suǵyp alǵan. Artynsha denesine benzın quıyp, órtegen. Іs eki jyl tekserilip, kassatsııalyq sot úsheýin de Dýbaı ortalyq túrmesine ómir boıyna qamaý jóninde úkim shyǵardy.
Eki áıel temir torda 18 jyl 11 aıyn ótep, tórtinshi ret keshirim berý ótinishin joldady. Bul qadamǵa olar qaıtys bolǵan reseılik azamatsha otbasynyń óz erikterimen qylmystyq qýdalaýdan bas tartýynan keıin bardy. Ótinishte sottalýshylar isterin moıyndap, ókinetindikterin jazǵan.
Dýbaı zańyna sáıkes, ómir boıǵy qamaýǵa alynǵan sottalýshy 15 jyl jazasyn ótegennen keıin túrmeden bosatý týraly arnaıy petıtsııa jazýǵa quqyly.
