19 jeltoqsanda astanada Nur-Sultan Snowpark alańy ashylady
NUR-SULTAN. QazAqparat - 19 jeltoqsan kúni elordada Nur-Sultan Snowpark alańy paıdalanýǵa beriledi, dep habarlaıdy QazAqparat.
Qalalyq ákimdiktiń málimetine sensek, erteń 18:00 kezinde elordadaǵy Atatúrik saıabaǵynda Nur-Sultan Snowpark snoýbord alańy ashylady.
Bul shara ashyq aýadaǵy jattyǵý formatynda ótedi. Barlyq sanıtarlyq karantın talaptary saqtalady.
Nur-Sultan Snowpark – snowboard jáne freeski sekildi qysqy ekstremaldy sport túrlerine arnalǵan ashyq sport-jattyǵý alańy. Onda djıbbıng sportymen de aınalysýǵa bolady.
Jobany iske asyrýǵa astananyń Baıqońyr aýdanynyń ákimdigi jáne Qazaqstan skeıtbordıng federatsııasy qoldaý kórsetken.
Eske sala keteıik, biz buǵan deıin elordada snoýbord alańy ashylatynyn jazǵan bolatynbyz.
