19 jeltoqsan. Tulǵalar týǵan kún
Búgin, 19 jeltoqsan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
57 jyl buryn (1968) Eýrazııalyq ekonomıkalyq komıssııanyń Tehnıkalyq retteý jáne akkredıtteý departamentiniń dırektory Serik Qýanyshuly QUSAIYNOV dúnıege keldi.
Oral oblysy, Aqjaıyq aýdany, Aqjaıyq aýylynda týǵan. 1991 jyly Lenıngrad keme jasaý ınstıtýtyn ınjener-elektromehanık, 2000 jyly Qazaq memlekettik zań akademııasynyń Batys Qazaqstan fılıalyn zańger mamandyǵy boıynsha bitirgen.
Eńbek joly: 1991-1992 jyldary Almaty qalasy Kırov atyndaǵy mashına jasaý zaýytynyń ınjener-tehnology, 1992-1993 jyldary «Agrotehservıs» boıynsha mehanıkalandyrý jáne qurylys bóliminiń mamany, «Agrobrokservıs» shaǵyn kásipornynyń brokeri, Oral qalasynyń «Jibek joly» MP dırektorynyń orynbasary, 1993-1996 jyldary Batys Qazaqstan oblysy boıynsha keden basqarmasynyń ınspektory, aǵa ınspektory, bas ınspektory, 1996-1998 jyldary Batys Qazaqstan oblysy Shyńǵyrlaý aýdany «Jelaevo», «Shyńǵyrlaý» keden beketteriniń ınspektory, 1998-2000 jyldary Batys Qazaqstan oblysy Shyńǵyrlaý aýdany «Jelaevo» keden beketiniń ınspektory, aǵa ınspektory, 2000-2002 jyldary Batys Qazaqstan oblysy ishki qaýipsizdik qyzmetiniń aǵa ınspektory, «Tasqala» keden beketiniń ınspektory, 2002-2003 jyldary QR Kedendik baqylaý agenttiginiń Batys Qazaqstan oblysy boıynsha kedendik kúzet jáne rejım bóliminiń aǵa ınspektory, 2003-2004 jyldary Batys Qazaqstan oblysy boıynsha Kedendik baqylaý departamenti kedendik kúzet jáne rejım bóliminiń jedel-kezekshi qyzmetiniń aǵa ınspektory, 2004-2007 jyldary Batys Qazaqstan oblysy «Birlik» keden beketiniń aǵa ınspektory, Batys Qazaqstan oblysy Bórli aýdandyq sotynyń sýdıasy, 2007-2010 jyldary Batys Qazaqstan oblysy № 2 Aqjaıyq aýdandyq sotynyń tóraǵasy, 2010-2015 jyldary Batys Qazaqstan oblysy Zelenov aýdandyq sotynyń tóraǵasy, 2015-2017 jyldary «Ulttyq akkredıtteý ortalyǵy» JShS Bas dırektorynyń orynbasary, 2017-2018 jyldary Astana qalasy ákimdiginiń «Astana Innovations» AQ Basqarma tóraǵasynyń orynbasary, 2021-2025 jyldary QR SIM Tutynýshylardyń quqyqtaryn qorǵaý komıteti tóraǵasynyń orynbasary bolyp qyzmet atqarǵan.
Qazirgi qyzmetine 2025 jyldyń jeltoqsan aıynda kiristi.
«Eren eńbegi úshin» medalimen marapattalǵan.
51 jyl buryn (1974) Almaty qalasy Bilim basqarmasynyń basshysy Saıran Tápenuly SAIFEDENOV dúnıege keldi.
Oral oblysy Orda aýdany Saıhyn aýylynda týǵan. Abaı atyndaǵy Qazaq memlekettik pedagogıkalyq ýnıversıtetin, Almaty úzdiksiz bilim berý ýnıversıtetin, Qazaq jol jáne qatynas ýnıversıtetin bitirgen.
Eńbek jolyn 1997 jyly bastaǵan. Almaly aýdany ákiminiń apparatynda, sondaı-aq qala ákiminiń apparatynda jumys istedi, Áýezov aýdany ákiminiń orynbasary, Naýryzbaı aýdanynyń ákimi laýazymdaryn atqardy.
Ár jyldary Almaty qalasy áleýmettik ál-aýqat basqarmasy basshysynyń orynbasary, Áýezov aýdanynyń ákimi bolyp jumys istedi.
2023-2024 jyldary Almaty qalasy memlekettik aktıvter basqarmasynyń basshysy bolyp jumys istedi.
2024 jyldyń shilde aıynan bastap qazirgi qyzmetinde.
«Qazaqstan Respýblıkasynyń táýelsizdigine 20 jyl» (2011), «Qazaqstan Konstıtýtsııasyna 20 jyl» (2015) medaldarimen marapattalǵan.
49 jyl buryn (1976) Qazaqstan Respýblıkasy Ulttyq banki tóraǵasynyń orynbasary Vıtalıı Alekseevıch TÝTÝShKIN dúnıege keldi.
Ál-Farabı atyndaǵy Qazaq memlekettik ýnıversıtetin «Ekonomıka jáne menedjment» (Bakalavr), «Makro-mıkroekonomıka jáne matematıkalyq modeldeý» (Ekonomıka magıstri), sondaı-aq M. V. Lomonosov atyndaǵy Máskeý memlekettik ýnıversıtetin «Executive management» mamandyǵy boıynsha bitirgen.
Eńbek jolyn 1998 jyly QR Ulttyq Bankiniń Zertteýler jáne statıstıka departamenti ekonomıkalyq zertteýler basqarmasynyń ekonomısi retinde bastady. 1998-2010 jyldary QR Ulttyq Banki Zertteýler jáne statıstıka departamentiniń ekonomısi, jetekshi taldaýshy, bas taldaýshy, bólim bastyǵy, basqarma bastyǵy, dırektor orynbasary, 2010-2011 jyldary QR Ulttyq Banki Qarjylyq turaqtylyq basqarmasynyń bastyǵy, 2011-2014 jyldary QR Ulttyq Bankiniń Qarjylyq turaqtylyq departamenti dırektorynyń orynbasary, 2014 jyly QR Ulttyq Bankiniń Qarjylyq turaqtylyq jáne táýekelderdi basqarý departamenti dırektorynyń orynbasary, 2014-2015 jyldary QR Ulttyq Banki Qarjylyq turaqtylyq jáne táýekelderdi basqarý departamentiniń dırektory, 2015-2016 jyldary QR Ulttyq Banki Zertteýler jáne strategııalyq taldaý departamentiniń dırektory, 2016-2019 jyldary QR Ulttyq Banki Zertteýler jáne statıstıka departamentiniń dırektory, 2019-2020 jyldary QR Ulttyq Banki Aqsha-kredıt saıasaty departamentiniń dırektory, 2020-2022 jyldary QR Ulttyq Bankiniń Almaty qalasyndaǵy turaqty ókildigi Qarjy naryǵymen ózara áreket etý departamentiniń dırektory bolyp qyzmet atqarǵan.
2022 jylǵy 11 naýryzda QR Prezıdentiniń № 285 Ókimimen QR Ulttyq Banki Tóraǵasynyń orynbasary bolyp taǵaıyndaldy.
2022 jylǵy 14 naýryzdan QR UB Tóraǵasynyń orynbasary — UB Almaty qalasyndaǵy turaqty ókildiginiń Basshysy bolyp taǵaıyndaldy.
«Eren eńbegi úshin» medalimen, «Qazaqstan Respýblıkasynyń táýelsizdigine 20 jyl», «Teńgege 20 jyl», «Qazaqstan Respýblıkasynyń táýelsizdigine 25 jyl», «Qazaqstan halqy Assambleıasyna 25 jyl», «Qazaqstan Respýblıkasynyń Táýelsizdigine 30 jyl» mereıtoılyq medaldarymen marapattaldy.
45 jyl buryn (1980) Soltústik Qazaqstan oblysynan Qazaqstan Respýblıkasy Parlamenti Senatynyń depýtaty Ásem Qalashbaıqyzy RAHMETOVA dúnıege keldi.
Soltústik Qazaqstan oblysy Aıyrtaý aýdanynda týǵan. M.Qozybaev atyndaǵy Soltústik Qazaqstan memlekettik ýnıversıtetiniń magıstratýrasyn bitirgen, áleýmettik ǵylymdar magıstri.
Eńbek joly: 2001-2002 jyldary Soltústik Qazaqstan oblystyq teleradıokompanııasynyń telejúrgizýshisi, 2005-2009 jyldary «Qazaqstan» Respýblıkalyq teleradıokorporatsııasy OQOF AQ redaktory, aǵa redaktory, 2009-2011 jyldary «Qyzyljar-Aqparat» medıaholdıngi» QMK bas redaktory, 2011-2014 jyldary Soltústik Qazaqstan oblysy ishki saıasat basqarmasy basshysynyń orynbasary, 2014-2016 jyldary «Qyzyljar Aqparat» JShS «Soltústik Qazaqstan» oblystyq gazetiniń jaýapty hatshysy, Soltústik Qazaqstan oblysy ákimi baspasóz hatshysynyń keńesshisi, 2016-2019 jyldary Soltústik Qazaqstan oblysynyń ishki saıasat basqarmasynyń basshysy, 2019-2022 jyldary «Nur Otan» partııasy OQOF birinshi orynbasary, jaýapty hatshysy, 2022-2023 jyldary «AMANAT» partııasy Soltústik Qazaqstan oblysy boıynsha fılıalynyń tóraıymy boldy.
2023 jyldyń maýsym aıynan bastap qazirgi qyzmetinde.
«Eren eńbegi úshin», «Qazaqstan Respýblıkasynyń Táýelsizdigine 25 jyl», «Qazaqstan Respýblıkasynyń Táýelsizdigine 30 jyl» medaldarymen marapattalǵan.
30 jyl buryn (1995) Batys Qazaqstan oblysy ákiminiń baspasóz hatshysy Ánýar Asqaruly SEIDRAHYM dúnıege keldi.
Qaraǵandy oblysynda týǵan. Akademık E.A. Bóketov atyndaǵy Qaraǵandy memlekettik ýnıversıtetin bitirgen.
Eńbek joly: Qaraǵandy qalasy «5 arna» tilshisi, Qaraǵandy qalasy ákiminiń baspasóz hatshysy; «Karaǵandy jylý tranzıti» JShS baspasóz qyzmetiniń basshysy, QR Prezıdenti Іs basqarmasy Medıtsınalyq ortalyǵy aýrýhanasynyń jáne QR Densaýlyq saqtaý mınıstrliginiń baspasóz qyzmetiniń baspasóz hatshysy, QR Mádenıet jáne aqparat mınıstrliginiń Aqparat komıtetiniń qyzmetkeri bolyp jumys atqarǵan.
Qazirgi qyzmetin 2025 jyldyń tamyz aıynan beri atqaryp keledi.
126 jyl buryn (1899-1938) qazaq tili biliminiń negizin qalaýshylardyń biri, túrkitanýshy, pedagog-aǵartýshy, professor Qudaıbergen Qýanuly JUBANOV dúnıege keldi.
Aqtóbe oblysy Temir aýdanynda týǵan. Elektegi (Orynbor oblysy) eki klastyq orys ýchılışesin, Orynbordaǵy «Hýsaınııa» medresesin, Sankt-Peterbýrg Shyǵystaný ınstıtýtynyń tolyq kýrsyn, KSRO Ǵylym akademııasy Til bilimi ınstıtýty aspırantýrasyn bitirgen. Temir qalasyndaǵy ýezdik oqý bóliminiń, Aqtóbe gýbernııalyq oqý bóliminde nusqaýshy-ádisker jáne pedtehnıkýmynyń oqytýshysy, Qazaq KSR Oqý halyq komıssarıatynyń ǵylymı jáne oqý-ádisteme keńesiniń tóraǵasy, Abaı atyndaǵy Qazaq pedagogıkalyq ınstıtýty qazaq tili jáne ádebıeti kafedrasynyń meńgerýshisi, KSRO Ǵylym akademııasynyń Qazaqstan bólimshesiniń sektor meńgerýshisi, memlekettik Termınkom tóraǵasy qyzmetterin atqarǵan. Jubanovtyń til bilimi boıynsha jazǵan eńbekteri qazaq álipbıi men orfografııasy máselelerine arnalǵan. «Kómekshi etistikter men kúrdeli etistikter», «Qazaq tilindegi birikken sózderdiń jasalýy», «Qazaq tiliniń ǵylymı grammatıkasynyń materıaldary», «Fonetıka», «Qazaq tiliniń ǵylymı kýrsy jóninen lektsııalar», «Qazaq tili fonetıkasynyń tarıhyn zertteýge kirispe», «Qazaq sóılemindegi sózderdiń oryn tártibi», «Jańa grammatıkanyń jańalyqtary jaıynan», «Býyn jigin qalaı ajyratýǵa bolady», t. b. eńbekteri — qazaq til bilimi teorııasyn jasaý jáne ony damytýǵa qosylǵan úlken úles. Latyn álipbıine negizdelgen qazaq orfografııasyn jasaýǵa qatysty. «Termın sózderdiń ózindik erekshelikteri», «Qazaq ádebı til termınologııasynyń máseleleri» atty eńbekter jazdy. Respýblıka halyq aǵartý komıssarıatynyń kollegııa múshesi, KSRO ǴA Qazaqstan bólimshesi tóralqasynyń, birneshe ǵylymı keńester men qoǵamdardyń múshesi bolǵan. Halyq aǵartý isindegi eńbegi úshin «Qazaqstannyń 15 jyldyǵy» belgisimen marapattalǵan. 1938 jyly «halyq jaýy» degen jalamen atylyp, 1957 jyly KSRO Joǵarǵy Soty Soǵys kollegııasynyń úkimimen aqtaldy.