19 jeltoqsan kúni Qazaqstanda ótetin mańyzdy sharalar

NUR-SULTAN

Saǵat 09.00-de Úkimet úıinde Úkimet otyrysy bastalady. Kún tártibinde - Qazaqstan Respýblıkasynyń 2016-2019 jyldarǵa arnalǵan bilim jáne ǵylymdy damytýdyń memlekettik baǵdarlamasyn iske asyrý jáne 2025 jylǵa deıingi jobasy máseleleri, sondaı-aq Qazaqstan Respýblıkasynyń densaýlyq saqtaýdy damytýdyń 2016-2019 jyldarǵa arnalǵan «Densaýlyq» memlekettik baǵdarlamasyn iske asyrý jáne 2025 jylǵa deıingi jobasy máseleleri.

Saǵat 11.00-de Senatta Konstıtýtsııalyq zańnama, sot júıesi jáne quqyq qorǵaý organdary komıtetiniń músheleri qylmystyq zańnamany jetildirý máselelerin talqylaıdy.

Saǵat 11.00-de Senatta Ekonomıkalyq saıasat, ınnovatsııalyq damý jáne kásipkerlik komıteti «Qazaqstan Respýblıkasynyń keıbir zonalarynda jer qoınaýyn paıdalaný, gaz jáne gazben qamtamasyz etý» zań jobasyn talqylaıdy.

Saǵat 11.00-de «Pekın Palas» qonaq úıinde Búkilálemdik «Qazaq kúresi» federatsııanyń otyrysy ótedi.

Saǵat 12.00-de «Nazarbaev ortalyǵynda» QR Tuńǵysh Prezıdenti – Elbasy qory men Memlekettik tildi damytý qory jarııalaǵan, joǵarǵy synyptar arasynda «Kim bilgish?» ıntellektýaldy-tanymdyq mobıldi oıyny boıynsha onlaın týrnırdiń marapattaý rásimi ótedi.

Saǵat 15.00-de Qazaqstan Respýblıkasynyń sybaılas jemqorlyqqa qarsy is-qımyl agenttiginde brıfıng bastalady.

Saǵat 17.00-de Astana Hub, bıometrııalyq sáıkestendirý jáne onyń Qazaqstandaǵy damýy taqyrybyna arnalǵan is-shara ótedi.

ALMATY

Saǵat 11.00-de «Interfaks Qazaqstan» agenttiginiń baspasóz ortalyǵynda Qazaqstannyń katolık qaýymdastyǵy aldaǵy Rojdestvo merekesine oraı baspasóz máslıhatyn ótkizedi.

Saǵat 11.00-de AET keńsesinde 2019 jylǵy jumys qorytyndysyn shyǵarýǵa arnalǵan jınalys ótedi. Onda AET qyzmeti týraly esep usynylady.

Saǵat 11.00-de Qazaqstan Respýblıkasynyń Ulttyq kitaphanasynda Súleımen Baqyrǵanıdiń «Hıkmat Hazıret Sultan ál-Garıfın» atty túpnusqa qoljazbasynyń tusaýkeseri ótedi.

Saǵat 12.00-de Qazaqstan Respýblıkasynyń Tuńǵysh Prezıdenti Elbasy qory Almaty qalasy men Almaty oblysynan 1500-den astam balany Qazaq Memlekettik Tsırkinde jınaıdy. Onda Ernst Teodor Amadeı Hoffmannyń «Şelkýnchık jáne Tyshqan» ertegisi negizinde jańa jyldyq qoıylym ótedi.