19 jastaǵy qostanaılyq boıjetken kópqabatty úıden sekirip ketti
QOSTANAI. QazAqparat - Qostanaıda 19 jastaǵy boıjetken kópqabatty úıdiń tóbesinen sekirip ketti, dep habarlaıdy QazAqparat.
Aqparatty oblystyq ІІD baspasóz qyzmeti rastady. Oqıǵa Qostanaıdaǵy Ál-Farabı kóshesinde bolǵan.
«Kópqabatty úıdiń tóbesinen sekirip ketken 19 jastaǵy qyzǵa qatysty sotqa deıingi tekserý sharalary júrgizilýde. QR QK 105-baby 1-bólimine sáıkes («Óz-ózine qol jumsaýǵa ıtermeleý») is qozǵaldy», - dep habarlady vedomstvo ókilderi.
Polıtseıler oqıǵanyń mán-jaıyn tekserip jatyr. Tıisti saraptamalar jasaldy.
