19 jastaǵy qazaqstandyqtyń fılmi Gollıvýdtaǵy festıvalde úzdik tanyldy
ASTANA. QazAqparat - Hollywood Boulevard Film Festival 19 jastaǵy qazaqstandyqty «Rejıssýra» sanatynda úzdik dep tanydy.
Aısultan Seıitovtyń «Shakal» fılmi «Qysqa metr» sanatynda «Úzdik rejıssýra» nomınatsııasynda jeńiske jetti. Esterińizge sala keteıik bul fılm «Úzdik fılm», «Úzdik rejıssýra» jáne «Operatordyń úzdik jumysy» degen úsh atalymǵa usynylǵan bolatyn.
«Men osy festıvalde bizdiń elimizdi úlken abyroımen tanyta bilgenim úshin qýanyshtymyn. «Shakal» fılminiń elimizde osyndaı qurmetke ıe bola almaǵany ókinishti. Men álde de qazaqstandyqtardy jaqsy týyndylarymmen qýanta alamyn dep senemin. Jasym 20-ǵa da tolǵan joq jáne mende josparlar men ıdeıalar kóp», - dep oıymen bólisti Aısultan.
Qysqa metrajdy «Shakal» fılmi - bul Almaty mańynda turatyn jas jigittiń qıyn taǵdyry týraly týyndy. Ol qylmystyq álem ne otbasyn tańdaý máselesimen betpe bet keledi. Drama ómirlik qundylyqtar, satqyndyq sııaqty taqyrypatardy kóteredi jáne qatań shynaıylyqty kórsetedi.
19 jastaǵy Aısultan Seıitov AQSh-ta oqıdy jáne jumys isteıdi.
Operator retinde «Taraz», «Shlagbaým» sııaqty jáne t.b. kartınalarymen tanymal Azamat Dýlatov jumys jasady. Fılm tolyqtaı «Berdmen» jáne «Vyjıvshıı» kartınalarynyń stılinde bir josparmen túsirildi. Kartınanyń premerasy osy jyly Qazaqstandaǵy ótkizilgen «Eýrazııa» kınofestıvalinde kórsetildi. Bul fılm osy jyly jazda komandanyń aıryqsha ynta-jigerimen jáne qandaı da bir ınvestorlarsyz túsirildi.
