19 jastaǵy boıjetkendi polıtseıler mas kúıde shý shyǵarǵany úshin «Astana-Ystambul» reısinen túsirip tastady
ASTANA. QazAqparat - Kólik polıtseıleri «Astana-Ystambul» baǵytyndaǵy áýe reısinen ishimdik ishken 19 jastaǵy Qostanaı oblysynyń turǵynyn túsirip tastady, dep habarlady QR ІІM kóliktegi ІІD baspasóz qyzmetinen.
«4 shildede saǵat 18.50 Astana q. áýejaıyndaǵy polıtsııanyń jelilik bólimine «Eır Astana» AQ agentinen «Astana-Ystambul» baǵytyndaǵy áýe kemesiniń bortynda tártipsiz jolaýshy bar ekeni týraly habar tústi. Ol Qostanaı oblysynyń 19 jastaǵy turǵyny bolyp shyqty. Azamatsha aşy sýdy paıdalanǵan»,- delingen habarlamada.
Mas kúıde bolǵan ol tártipsizdikke baryp, eskertýlerdi elemegen. Qyzdy atalǵan reısten túsirip tastady.
Medıtsınalyq tekserý qorytyndysyna sáıkes, quqyqbuzýshy ortasha dárejede mas bolǵan.
Astana q. áýejaıyndaǵy polıtsııanyń jelilik bóliminiń qyzmetkerleri QR ÁKBtK 440-baby 1-bólimine sáıkes ákimshilik hattama toltyrdy.
