19 jastaǵy Ásııa Abısova «Astana arýy-2014» ataǵyn jeńip aldy
ASTANA. QazAqparat - 19 jastaǵy Ásııa Abısova «Astana arýy-2014» ataǵyn jeńip aldy. Sondaı-aq sulýlar saıysynda Ásel Mýsaldınova men Márıash Bıgalıeva da júldeli oryndardy ıelendi, dep jazady 24.kz.
Endi bul úsh boıjetken 28 qarashada ótetin «Qazaqstan arýy» baıqaýynda elorda namysyn qorǵamaq. Atalǵan saıysta irikteý kezeńderinen irkilmeı ótken 18 qyz ózara baq synasty. Olar ónerlerin ortaǵa salyp, qazaqtyń ulttyq kıimderin pash etti.
Al, «Astana arýy-2014» baıqaýynyń jeńimpazy: «8 jyl buryn meniń ápkem de osyndaı júldeli orynǵa ıe bolǵan edi. Sol kezde men de ózime osyndaı maqsat qoıdym. Mine, búgin armanyma jetip otyrmyn. Óte qýanyshtymyn», - dep syr bólisti.
