19 jastaǵy amerıkalyq Pentagon mańyndaǵy kólikti jarmaq bolǵan
VAShINGTON. QazAqparat – Er adamǵa Pentagon mańynda turǵan avtokólikti jarmaq boldy degen aıyp taǵylyp, federaldyq sot aldynda jaýapqa tartyldy, dep habarlaıdy QazAqparat Reuters agenttigine silteme jasap.
Pentagon turaǵyndaǵy avtokólikke órt qoımaq bolǵan Arkanzas shtatynyń 19 jastaǵy turǵyny Metıý Dmıtrı Rıchardsondy dúısenbi kúni Pentagon polıtseıleri ustady.
Sot qujattaryndaǵy derek boıynsha, polıtsııa ofıtseri jasóspirimniń kóliktiń benzın bagyna matanyń bir bóligin salyp, ony tutatpaq bolǵanyn baıqaǵan. Jarylys bolǵan joq.
Rıchardson ofıtserge «kólikti jarǵysy keletinin» jetkizgen. Ofıtser ony tutqyndamaq bolǵan kezde ol Arlıngton ulttyq zıratynyń qorshaýynan asyp túsip, qashyp ketken. Bir saǵat ótkennen keıin ony Pentagon qaýipsizdik qyzmetiniń qyzmetkerleri qolǵa túsirdi.
Kúdiktige aram pıǵylmen avtokólikke ot qoıyp, joıyp jibermek boldy degen aıyp taǵyldy.
