19 jastaǵy qyzmetker 14,9 mln teńgeniń taýaryn urlaǵan
ASTANA. KAZINFORM — Taýarlardy berý pýnktiniń 19 jastaǵy qyzmetkeri 14,9 mln teńgeden astam somadaǵy taýarlardy urlaǵany úshin sottaldy.
Qyzmetker marketpleıs qosymshasy arqyly túrli taýarlarǵa, atap aıtqanda, altyn buıymdarǵa, kıim-keshekke, azyq-túlikke jáne basqa da taýarlarǵa tapsyrys rásimdegen.
Taýarlardy alǵan kezde olardy jasyryn túrde ıemdenip, ornyna basqa zattardy qaıtarý nemese qoımaǵa ózge zattardy ótkizý arqyly taýarlardy aýystyryp otyrǵan.
Máselen, quny 182 myń teńge bolatyn altyn syrǵalarǵa tapsyrys berip, olardy áshekeı buıymdarǵa aýystyryp, satýshyǵa qaıtarǵan.
Barlyǵy 14,9 mln teńgeden astam somaǵa 195 taýardy urlaǵan.
Sotta memlekettik aıyptaýshy sottalýshynyń kinásin tolyq dáleldedi.
Sot úkimimen oǵan 5 jyl merzimge bas bostandyǵynan aıyrý jazasy taǵaıyndaldy.
Jábirlenýshiniń keltirilgen zalaldy óteý týraly azamattyq talaby qanaǵattandyryldy.
Sot úkimi zańdy kúshine endi.
Aıta ketelik Almatyda 50-ge jýyq urlyq jasaǵan alty qylmystyq top ustalǵan edi.
