19 jastaǵy qazaqstandyq sportshy shetelde habar-osharsyz ketken

ALMATY. KAZINFORM — Qazaqstandyq paýerlıfter Sergeı Veselov Medına qalasynda habarsyz ketken.

Sportshynyń ata-anasy jelide 19 jastaǵy jigittiń habar-osharsyz ketkeni týraly beıneúndeý jarııalady. 

Onda Sergeı Veselovtyń 19 maýsym kúni Astana qalasynan Ystambulǵa baryp, keıin Túrkııadan Saýd Arabııasynyń Medına qalasyna belgisiz sebeptermen attanǵany aıtylǵan. Sportshy ata-anasymen sońǵy ret 26 maýsym kúni habarǵa shyqqan. Sol ýaqyttan beri onymen baılanys bolmaǵan.

Kazinform tilshisi sportshynyń anasy Irına Veselovamen habarlasty. Sergeı Veselovtyń anasy Saýd Arabııasyndaǵy Qazaqstan elshiligimen baılanysqanyn, alaıda 10 kún boıy mardymdy jaýap ala almaǵanyn aıtty.

— Ol 17 jasynda sport sheberine úmitker atandy. Paýerlıftıngten Azııa jáne Eýropa chempıony. Ol árdaıym paýerlıfıngten ulttyq federatsııanyń atynan óner kórsetti, — dedi Irına Veselova.

Agenttik jas sportshynyń jaǵdaıyn bilý úshin QR Syrtqy ister mınıstrligine júgindi.

Eske salaıyq, buǵan deıin Indonezııanyń Balı aralynda esirtkige baılanysty qylmys jasady degen kúdikpen ustalǵan eki Qazaqstan azamatyna ólim jazasy taǵaıyndalýy múmkin ekeni aıtyldy.

Jaqynda Syrtqy ister mınıstriniń orynbasary Álibek Baqaev Senat otyrysynan keıin jýrnalısterge Indonezııanyń Balı aralynda 49 gramm metamfetamınmen ustaldy delingen Qazaqstan azamattary týraly málimet berdi.