19 tamyzdan bastap sheneýnikter úshin sheteldik shottarǵa tyıym salatyn zań kúshine endi

Joǵary laýazymdy reseılik sheneýnikter ózderiniń memlekettik qyzmetterin joǵaltyp almas úshin sheteldik shottardan arylatyn sońǵy kún aıaqtaldy. Bul týraly RBK habarlap otyr.

Aǵymdaǵy jyldyń 19 mamyrynda qabyldanǵan zańǵa sáıkes, joǵary laýazymdy sheneýnikterge, parlamentshilerge, sýdıalarǵa, quqyq qorǵaý organdarynyń qyzmetkerlerine, áskerı qyzmetshilerge jáne memlekettik qyzmetshilerdiń ózge de sanattaryna aqsha qarajattaryn RF aýmaǵynan tys ornalasqan sheteldik bankterde saqtaýǵa, shet el memleketteriniń memlekettik baǵaly qaǵazdaryn, oblıgatsııalaryn, aktsııalaryn ıemdenýge tyıym salynady.

Atalmysh sanattaǵy memlekettik qyzmetshiler RF aýmaǵynan tys jerde jyljymaıtyn múlikke ıe bola alady, biraq ol mindetti túrde deklaratsııalanǵan bolýy tıis.

Zańǵa baǵynbaý Federatsııa Keńesiniń múshesi, Memlekettik Dýma depýtaty, federaldy sýdıa ókilettigin mezgilinen buryn toqtatýǵa, sondaı-aq alyp otyrǵan qyzmetinen bosatýǵa alyp keledi.

Zańnyń tyıymdary sondaı-aq atalǵan memlekettik tulǵalardyń jubaılary men kámeletke tolmaǵan balalaryna taratylady.