19 tamyzda Aqmola oblysynda oryn alǵan iri jol-kólik apatynan zardap shekken balany tanýda kómek qajet
ASTANA. 21 tamyz. QazAqparat - QazAqparat tilshisine Aqmola oblystyq ІІD JPB-niń baspasóz qyzmetinen habarlaǵandaı, aǵymdaǵy jyldyń 19 tamyzynda Aqmola oblysynda oryn alǵan iri jol-kólik apatynan zardap shekken balanyń aty-jóni áli belgisiz.
Bala Astanadaǵy Travmatologııa jáne ortopedııa ǵylymı-zertteý ortalyǵynda jatyr. Bala ózi týraly esimi Dáýren, jasy 4-te ekenin aıtty.
Aqmola oblystyq ІІD bala týraly qandaı da bir aqparatty biletin adamdardyń ony tanýǵa kómektesýin suraıdy. ІІD-niń JPB baspasóz qyzmetine telefon shalýǵa boldy: 8 7162 40 10 65 nemese 8 7162 29 10 32.
Esterińizge sala keteıik, aǵymdaǵy jyldyń 19 tamyzynda shamamen saǵat 20:50-de Almaty-Ekaterınbor tas jolynyń 1309-shy shaqyrymynda iri jol apaty boldy, sonyń saldarynan 16 adam qaza taýyp, 20-dan astamy jaraqattar aldy.
Jol apaty faktisi boıynsha qylmystyq is qozǵalyp, tergeý amaldary júrgizilýde.
