19 tamyz. Týǵan kún ıeleri

NUR-SULTAN. QazAqparat – Búgin, ıaǵnı 19 tamyz kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

58 jyl buryn(1963) alys qashyqtyqqa júgiretin sportshy, marafonshy, júgirýden halyqaralyq dárejedegi sport sheberi Marat Tólegenuly JYLANBAEV dúnıege keldi.

Pavlodar oblysynyń Baıanaýyl aýdanynda týǵan. Onyń esimi HH ǵasyrdyń 90-shy jyldarynda «Gınnestiń rekordtar kitabyna» jeti márte tirkelgen. Negizgi mamandyǵy – sýretshi.

Jylanbaev 12 jasynan jeńil atletıkamen, velosıpedpen, shańǵy sportymen aınalysqan. 1990 jyldan óte alys qashyqtyqtarǵa júgirýdi (marafon) bastap, sol jyly Reseıdiń Barnaýyl qalasynda 85 shaqyrymdy 6 saǵat 43 mınýt 23 sekýndta júgirip ótken. Rekordtar kitabyna engen jetistikteri: 23 kúnde 23 marafondyq qashyqtyqty júgirip shyqty (kúnine 42 shaqyrym 195 metr), keıin 15 kúnde 30 marafon, jarty jylda 75 marafon jáne bir jylda 226 marafondyq qashyqtyqty eńserdi. Eýropanyń eń bıik shyńy – Elbrýsqa (5642 metr) marafondyq júgirispen 7 kúnde shyqty. 20 kúnde uzyndyǵy 1200 shaqyrymdyq Qaraqum, 24 kúnde Afrıkadaǵy qashyqtyǵy 1700 shaqyrymdyq Sahara shólderin kesip ótken. Sol jyly Avstralııadaǵy Vıktorııa shólin kesip ótse, 1994 jyly AQSh-tyń Nevada shtatyndaǵy ústinen qus ushpaıtyn Mohavı shóline joryq jasap, ony sátti aıaqtady. 1992-1993 jyldary elimizdiń tańdaýly 10 sportshysynyń qataryna endi.

54 jyl buryn (1967) «Nursultan Nazarbaev Ulttyq bilim qorynyń» dırektory Dınara Nursultanqyzy QULYBAEVA dúnıege keldi. Qaraǵandy oblysynyń

Temirtaý qalasynda týǵan. 1989 jyly A.V. Lýnacharskıı atyndaǵy Máskeý memlekettik teatr óneri ınstıtýtyn bitirgen. 1998 jyly QMEBI-de iskerlik ákimshi magıstri dárejesin aldy. 2007 jyly «Halyqaralyq úlgidegi mektepterde bilim júıesin basqarýdyń ádistemelik negizi» taqyrybynda doktorlyq dıssertatsııasyn qorǵady.

1998 jyldan «Nursultan Nazarbaev Ulttyq bilim qorynyń» dırektory. 2001 jyldan «Qazaq halyqaralyq qatynastar jáne álem tilderi ýnıversıteti» AQ dırektorlar keńesiniń múshesi. 2004 jyldan «QBTÝ» AQ dırektorlar keńesiniń tóraıymy.

«Parasat» ordenimen marapattalǵan.

49 jyl buryn (1972) Pavlodar aýdanynyń ákimi Erjan IMANSLıAM dúnıege keldi.

Pavlodar oblysynda týǵan. Krasnoarmeıka aýylsharýashylyq tehnıkýmyn, tehnık-mehanık (1991); Qazaq quqyq jáne halyqaralyq qatynastar ınstıtýtyn, quqyqtaný bakalavry (2007); Innovatsııalyq Eýrazııa ýnıversıtetin támamdady, ekonomıka jáne bıznes bakalavry (2014); Abaı Myrzahmetov atyndaǵy Kókshetaý ýnıversıtetin, tasymaldaýdy, qozǵalysty jáne kólikti paıdalanýdy uıymdastyrý bakalavry; zań ǵylymdarynyń magıstri (2017) atandy.

Eńbek joly: Qashyr aýdany Kalınovka aýylyndaǵy qurylys ýchaskesinde jumysshy (1987); Kachır kentindegi qurylys materıaldary jáne konstrýktsııalar kombınatynda slesar-santehnık (1991-1992); Pavlodardaǵy «Energojılstroı 1» qurylys basqarmasynyń montajshysy boldy. Kashyr aýdanynyń ishki ister bóliminde jáne prokýratýrasynda túrli qyzmetter atqardy (1994-2000); Kashyr aýdanynyń ákim apparaty basshysy bolyp jumys istedi (2005-2008); Aqsý qalasy ákiminiń orynbasary qyzmetinde eńbek etti (2008- 2011); Pavlodar qalasy ákimi apparatynyń basshysy (2011-2013); Pavlodar qalasy ákiminiń orynbasary (2013-2014); Soltústik Qazaqstan oblysy Taıynsha aýdanynyń ákimi (2015-2017); Qazaqstan Respýblıkasy Indýstrııa jáne ınfraqurylymdy damytý mınıstrliginiń mashına jasaý basqarmasynyń bastyǵy (2017-2020); Pavlodar qalasynyń ákimi (2020-2021).

Qazirgi qyzmetinde 2021 jyldyń shildesinen bastap.