19 tamyzda ShQO-da orman órti tirkeldi
ASTANA. KAZINFORM — Búgin Shyǵys Qazaqstanda orman órti tirkeldi. Bul týraly Ekologııa mınıstrligi málim etti.
Mınıstrliktiń málimetinshe, órt oshaqtary RMQK «Qazavıaormanqorǵaý» áýe patrýldeýi jáne memlekettik orman kúzetiniń jerústi patrýldeýi kezinde jedel anyqtalǵan.
— Órtti sóndirý jumystaryna orman sharýashylyǵy qyzmetkerleri, RMQK «Qazavıaormanqorǵaý» kúshteri jáne qajetti arnaıy tehnıka tartyldy. Qazirgi ýaqytta órt oshaqtaryn oqshaýlaý jáne tolyqtaı sóndirý boıynsha jumystar júrgizilip jatyr, — delingen habarlamada.
Vedomstvo azamattardy tabıǵat aıasynda demalý kezinde órt qaýipsizdigi talaptaryn qatań saqtaýǵa, otty abaılap paıdalanýǵa jáne tabıǵı aýmaqta qaýipsizdik sharalaryn saqtaýǵa shaqyrady.
Aıta keteıik, SQO-da orman órti bes esege kóbeıgen.
