19 tamyzda elimizdiń shyǵysynda nóser jaýyp, batysynda ystyq bolady

ASTANA. KAZINFORM – «Qazgıdromet» RMK málimetinshe, 19 tamyzda Qazaqstan aýmaǵynda qaýipti meteorologııalyq qubylystar bolýy múmkin.

Soltústik-batys tsıklony jáne onymen baılanysty atmosferalyq fronttar eldiń kóp bóliginde óz yqpalyn saqtaıdy. Kóptegen óńirlerde naızaǵaı oınap, jańbyr jaýady. Qıyr shyǵysta qatty jańbyr jaýady dep boljanýda, keı jerlerde burshaq túsýi múmkin.

Al respýblıkanyń batysynda, ońtústigi men ortalyǵynda antıtsıklonnyń áserinen jaýyn-shashynsyz aýa raıy kútiledi. Respýblıka boıynsha jeldiń kúsheıýi boljanýda, soltústik pen shyǵysta túngi jáne tańǵy ýaqytta tuman túsedi, al batys óńirlerde shańdy daýyl turýy yqtımal.

Kúndiz Atyraý oblysynda 35-39 gradýsqa deıin qatty ystyq, Aqtóbe oblysynyń ońtústiginde 35 gradýs ystyq bolady.

Joǵary órt qaýpi Almaty oblysynda, Jetisý oblysynyń batysy, ońtústik-shyǵysy men ortalyǵynda, Atyraý oblysynyń soltústigi men ońtústiginde, Batys Qazaqstan oblysynyń ońtústik-batysynda, Jambyl oblysynyń ońtústigi men ortalyǵynda boljanýda.

Tótenshe órt qaýpi Túrkistan, Qyzylorda, Mańǵystaý oblystarynda, Batys Qazaqstan oblysynyń batysynda, Almaty oblysynyń batysy, soltústigi men shyǵysynda, Jambyl oblysynyń soltústigi, batysy men shyǵysynda, Atyraý oblysynyń batysy men shyǵysynda, sondaı-aq Qostanaı, Qaraǵandy, Aqtóbe jáne Abaı oblystarynyń ońtústiginde kútiledi.