19 shildede Qazaqstannyń basym bóliginde aptap ystyq bolady
ASTANA. KAZINFORM – 19 shildede Qazaqstannyń basym bóliginde daýyldy eskertý jarııalandy. Sınoptıkter naızaǵaı, burshaq, jel, +44 gradýsqa deıingi aptap ystyq jáne órt qaýpiniń joǵary deńgeıi saqtalatynyn boljady. Bul týraly «Qazgıdromet» RMK habarlady.
Astanada 19 shildede kúndiz jańbyr jaýyp, naızaǵaı oınaıdy.
Qaraǵandy oblysynyń batysy men soltústiginde jańbyr jaýyp, naızaǵaı bolady, shyǵysynda azdaǵan jańbyr kútiledi. Ońtústik-batys jáne batys jeliniń ekpini sekýndyna 15-20 metrge deıin jetedi. Kúndiz aýa temperatýrasy +35…+37 gradýsqa deıin kóteriledi. Oblysta joǵary, al batysy men soltústiginde tótenshe órt qaýpi saqtalady.
Ulytaý oblysynyń batysynda, soltústiginde jáne shyǵysynda azdaǵan jańbyr jaýyp, naızaǵaı oınaıdy. Soltústik-batys jáne batys jeliniń ekpini sekýndyna 15-20 metrge jetedi. Kúndiz +36…+39 gradýs aptap ystyq bolady. Óńirde joǵary, al ońtústiginde tótenshe órt qaýpi saqtalady.
Qyzylorda oblysynda túnde azdaǵan jańbyr jaýyp, naızaǵaı bolady. Kúndiz oblystyń ortalyǵynda shańdy daýyl kútiledi. Soltústik jáne soltústik-shyǵys jeli sekýndyna 15-20 metrge deıin kúsheıedi. Aýa temperatýrasy +40…+44 gradýsqa deıin kóteriledi. Óńirde tótenshe órt qaýpi saqtalady.
Batys Qazaqstan oblysynyń soltústigi men shyǵysynda jańbyr jaýyp, naızaǵaı bolady. Kúndiz burshaq túsip, daýyl soǵýy múmkin. Soltústik-batys jeliniń ekpini sekýndyna 15-20 metrge jetedi. Oblystyń ońtústik-batysynda joǵary, al qıyr ońtústiginde tótenshe órt qaýpi saqtalady.
Mańǵystaý oblysynyń soltústiginde, batysynda jáne ortalyǵynda jańbyr jaýyp, naızaǵaı bolady. Ońtústiginde jeldiń ekpini sekýndyna 15-20 metrge deıin kúsheıedi. Kúndiz oblystyń ońtústigi men ortalyǵynda +38…+42 gradýs aptap ystyq kútiledi. Óńirde joǵary órt qaýpi saqtalady.
Aqtóbe oblysynda túnde soltústiginde, kúndiz soltústigi men shyǵysynda jańbyr jaýyp, naızaǵaı bolady. Keı jerlerde burshaq túsip, daýyl turýy múmkin. Batys jáne soltústik-batys jeliniń ekpini sekýndyna 15-20 metrge deıin jetedi. Oblystyń batysy men shyǵysynda joǵary, ońtústigi men ońtústik-shyǵysynda tótenshe órt qaýpi saqtalady.
Pavlodar oblysynyń batysynda, soltústiginde jáne shyǵysynda jańbyr jaýyp, naızaǵaı bolady. Kúndiz ońtústik jeldiń ekpini sekýndyna 15-20 metrge deıin kúsheıedi.
Qostanaı oblysynyń batysynda, soltústiginde jáne shyǵysynda jańbyr jaýyp, naızaǵaı bolady. Kúndiz keı jerlerde qatty jańbyr, burshaq jáne daýyl kútiledi. Túnde jáne tańerteń oblystyń batysy men soltústiginde tuman túsedi. Ońtústik-batys jeliniń ekpini sekýndyna 15-20 metrge jetedi. Oblystyń batysynda, shyǵysynda jáne ortalyǵynda joǵary, al ońtústiginde tótenshe órt qaýpi saqtalady.
Atyraý oblysynyń soltústiginde, shyǵysynda jáne ońtústik-batysynda joǵary órt qaýpi saqtalady. Ońtústiginde joǵary órt qaýpi kútilse, soltústik-batysynda tótenshe órt qaýpi saqtalady.
Shyǵys Qazaqstan oblysynyń batysynda, soltústiginde jáne shyǵysynda kúndiz jańbyr jaýyp, naızaǵaı oınaıdy. Burshaq túsip, daýyl bolýy múmkin. Jeldiń baǵyty ońtústik-shyǵystan soltústik-batysqa aýysyp, ekpini sekýndyna 23 metrge deıin jetedi.
Abaı oblysynyń batysynda, soltústiginde jáne ortalyǵynda kúndiz jańbyr jaýyp, naızaǵaı bolady. Keı jerlerde burshaq túsip, daýyl soǵady. Soltústik-batys jáne soltústik jeldiń ekpini sekýndyna 25 metrge deıin jetedi. Kúndiz +36…+38 gradýs aptap ystyq bolady.
Soltústik Qazaqstan oblysynda jańbyr jaýyp, naızaǵaı bolady. Kúndiz oblystyń ońtústigi men shyǵysynda burshaq túsip, daýyl soǵýy múmkin. Túnde jáne tańerteń batysy men soltústiginde tuman kútiledi. Shyǵys jeliniń ekpini sekýndyna 15-20 metrge deıin jetedi. Oblystyń ońtústiginde joǵary órt qaýpi saqtalady.
Aqmola oblysynyń batysynda, soltústiginde jáne shyǵysynda túnde, al kúndiz óńirdiń basym bóliginde jańbyr jaýyp, naızaǵaı bolady. Batysy men soltústiginde kúndiz qatty jańbyr, burshaq jáne daýyl kútiledi. Túnde jáne tańerteń keı jerlerde tuman túsedi. Ońtústik-batys jáne batys jeliniń ekpini sekýndyna 15-20 metrge deıin, kúndiz 23 metrge deıin jetedi.
– 19-20 shilde kúnderi Jetisý oblysyndaǵy Alakól kólderi aýdanynda soltústik-shyǵys jeli sekýndyna 15-20 metrge deıin kúsheıip, ekpini 23-28 metrge jetedi, – dep eskertti «Qazgıdromet».
