19 shilde kúni eGov jáne basqa da onlaın memlekettik qyzmetter ýaqytsha jumys istemeıdi
ASTANA. KAZINFORM – «Ulttyq aqparattyq tehnologııalar» AQ josparly tehnıkalyq jumystar júrgiziletinin habarlady. Bul jumystar kompanııanyń súıemeldeýindegi jobalardyń úzdiksiz qyzmet etýin qamtamasyz etý maqsatynda júrgiziledi.
Tehnıkalyq jumystar 2025 jylǵy 19 shilde kúni saǵat 02:00-den 08:00-ge deıin josparlanǵan. Ýaqyt aralyǵy paıdalanýshylar belsendiligi eń tómen kezeńge sáıkes tańdalǵan, osylaısha múmkin bolatyn qolaısyzdyqtardy azaıtý kózdelip otyr.
Atalǵan kezeńde kelesi memlekettik elektrondyq servısterge qol jetkizý ýaqytsha shekteledi:
-
eGov.kz portaly jáne eGov mobile mobıldi qosymshasy (onyń ishinde «Tsıfrlyq qujattar» servısi);
-
e-Otinish, E-license portaldary men Ashyq úkimet júıeleri;
-
Qazaqstan Respýblıkasynyń Ulttyq kýálandyrýshy ortalyǵy (UKO) servısteri;
-
«UAT» AQ súıemeldeıtin ózge de jobalar;
-
Ekinshi deńgeıli bankterdiń mobıldi qosymshalaryndaǵy jáne elektrondyq úkimet shlıýzi arqyly biriktirilgen ózge de memlekettik qyzmetter.
— Yńǵaısyzdyqtardyń aldyn alý úshin qajetti operatsııalardy aldyn ala aıaqtap, tehnıkalyq jumys ýaqytyna qujattardyń qaǵaz nusqasyn daıyndap qoıý usynylady, — delingen resmı habarlamada.
Aıta keteıik, 270.00 nysandy deklaratsııany eGov.kz jáne eGov Mobile arqyly onlaın tapsyrýǵa bolady.