19 shilde. Týǵan kún ıeleri
19 shilde, BEISENBІ
ESІMDER
80 jyl buryn (1938) Ekonomıka ǵylymynyń doktory, professor, Qazaqstan Ulttyq ǵylym akademııasynyń akademıgi, Qazaqstan Respýblıkasynyń eńbek sińirgen ǵylym qaıratkeri QALIEV Ǵanı Álimuly dúnıege keldi.
Jambyl oblysynda týǵan. Qyrǵyz memlekettik ýnıversıtetin, Máskeý memlekettik ýnıversıtetiniń aspırantýrasyn bitirgen. 1963-1964 jyldary - Almaty halyq sharýashylyǵy ınstıtýtynyń oqytýshysy. 1968-1984 jyldary - Qazaq ekonomıka jáne aýyl sharýashylyǵyn uıymdastyrý ınstıtýtynyń aǵa ǵylymı qyzmetkeri, sektor, bólim meńgerýshisi, dırektordyń orynbasary. 1984-1988 jyldary - Qazaq qoı sharýashylyǵy tehnologııalyq ǵylymı-zertteý ınstıtýtynyń dırektory. 1991-1996 jyldary Qazaq aýyl sharýashylyǵy ǵylymdary akademııasynyń prezıdenti bolǵan. Qazaqstan Respýblıkasy Parlamenti Májilisiniń ekinshi shaqyrylym depýtaty bolǵan. Ǵalymnyń negizgi ǵylymı-zertteý jumystary agrarlyq teorııa jáne saıasat máselelerine arnalǵan. Onyń basshylyǵymen jáne tikeleı qatysýymen Qazaq qoı sharýashylyǵy tehnologııalyq ǵylymı-zertteý ınstıtýtynda maldyń jańa tuqymdaryn alý ádisteri jetildirilip, sharýashylyqtarda suryptaý jáne asyl tuqymdy mal ósirý jumystaryn jaqsartý máseleleri tereń zertteldi. «Aýyl» partııasyn basqardy.
65 jyl buryn (1953) QR Parlamenti Senatynyń eks-depýtaty, POLTORABATЬKOLıýdmıla Grıgorevna dúnıege keldi.
Novosibir oblysynda týǵan. S.M.Kırov atyndaǵy Qazaq memlekettik ýnıversıtetiniń zań fakýltetin bitirgen.
Almaty qalasy aýdandyq sotynyń is júrgizýshisi, sot atqarýshysy, Qazaq SSR Ádilet mınıstrligi Sot organdary basqarmasynyń aǵa konsýltanty, Almaty qalalyq sotynyń múshesi, Almaty qalasy aýdandyq sotynyń halyq soty, Qazaqstan Respýblıkasy Joǵarǵy Sotynyń múshesi bolyp qyzmet atqarǵan. 2011 jylǵy qarashadan 2017 jylǵy shildege deıin Qazaqstan Respýblıkasy Parlamenti Senatynyń depýtaty boldy.
«Qurmet» ordenimen, tórt medalmen marapattalǵan.
55 jyl buryn (1963) Qazaqstan Respýblıkasynyń Sotsıalıstik Vetnam Respýblıkasyndaǵy Tótenshe jáne Ókiletti Elshisi (2013 jyldan bastap) jáne Kambodja Koroldigi men Laos Halyqtyq-Demokratııalyq Respýblıkasyndaǵy elshisi (2014 jyldan bastap) qyzmetin qosa atqarýshy JUMAHANOV Beketjan Mahatjanuly dúnıege keldi.
Almaty qalasynda týǵan. KSRO Qorǵanys mınıstrligi Áskerı Qyzyl tý ınstıtýtynyń shyǵys fakýltetin (1985), RF SІM Dıplomatııalyq akademııasyn (1994), RF Úkimeti janyndaǵy Qarjy akademııasyn (1998) bitirdi.
«Qazaqstan Respýblıkasy Táýelsizdiginiń 10 jyldyǵy» (2001), «Qazaqstan Respýblıkasy Parlamentine 10 jyl» (2006), «Qazaqstan Respýblıkasy Táýelsizdiginiń 20 jyldyǵy» mereıtoılyq medaldarymen marapattalǵan.
54 jyl buryn (1964) Batys Qazaqstan oblysynan QR Parlamenti Senatynyń depýtaty TÓREǴALIEV Narıman Tóreǵalıuly dúnıege keldi.
Taıpaq aýdany Esensaı aýylynda týǵan. Bilimi joǵary, 1990 jyly Jambyl gıdromelıoratıvtik-qurylys ınstıtýtyn - ınjener-ekonomıst, 2004 jyly Kaspıı qoǵamdyq ýnıversıtetin zańger mamandyǵy boıynsha bitirgen.
Eńbek jolyn 1981 jyly «Esensaı» keńsharynda jumysshy bolyp bastaǵan ol 1982-1984 jyldary Keńes áskeri qatarynda Vengrııada áskerı boryshyn ótedi. Eńbek jolynda Terekti aýdandyq eńbek jáne halyqty áleýmettik qorǵaý bóliminiń bastyǵy, Oral qalasyndaǵy jalpy úlgidegi ınternat úıiniń dırektory, oblystyq jumyspen qamtý jáne áleýmettik baǵdarlamalardy úılestirý basqarmasy bastyǵynyń orynbasary, oblystyq jumyspen qamtý jáne áleýmettik baǵdarlamalardy úılestirý departamenti dırektorynyń orynbasary syndy jaýapty qyzmetterdi atqardy. Sondaı-aq, 2008-2010 jyldary Tabıǵı monopolııalardy retteý agenttigi Batys Qazaqstan oblystyq departamentiniń dırektory boldy. Al 2010-2012 jyldary oblystyq jumyspen qamtý jáne áleýmettik baǵdarlamalardy úılestirý basqarmasynyń bastyǵy. Sonymen qatar, Narıman Tóreǵalıev 2012-2015 jyldar aralyǵynda Aqjaıyq aýdanynyń ákimi boldy. 2016-2017 jyldary Oral qalasynyń ákimi boldy. Qazirgi qyzmetinde 2017 jyldyń maýsym aıynan beri.
46 jyl buryn (1972) Qazaqstan Respýblıkasy Densaýlyq saqtaý mınıstrliginiń Jaýapty hatshysy TÓKEJANOV Bolat Turǵanuly dúnıege kelgen.
Shyǵys Qazaqstan oblysynda týǵan. 1994 jyly Qazaq memlekettik basqarý akademııasyn támamdaǵan.
1994-1995 jyldary Shyǵys Qazaqstan oblysy salyq ınspektsııasynyń aǵa salyq ınspektory bolyp qyzmet atqardy.
1996-1998 jyldary Qazaqstan Respýblıkasynyń Úkimeti janyndaǵy Mindetti medıtsınalyq saqtandyrý qorynyń Shyǵys Qazaqstan oblystyq bólimshesinde qyzmet atqardy.
1999-2000 jyldary - Medıtsınalyq qyzmetke aqy tóleý ortalyǵynyń Shyǵys Qazaqstan oblystyq bólimshesi dırektorynyń orynbasary, dırektory. Densaýlyq saqtaý mınıstrligi «Densaýlyq» RMK-niń Shyǵys Qazaqstan oblystyq fılıalynyń dırektory.
2001 jyldyń qańtarynan 2003 jyldyń qarashasyna deıin Shyǵys Qazaqstan oblysynyń Aqparattyq-medıtsınalyq ortalyǵyn basqardy.
2003 jyldyń qarasha aıynan medıtsınany jáne halyqaralyq qatynastardy damytý bóliminiń bastyǵy, 2005 jyldyń aqpanynan 2007 jyldyń qańtaryna deıin startegııalyq damý jáne halyqaralyq qatynastar basqarmasynyń bastyǵy boldy.
2007 jyldyń qańtarynan 2010 jyldyń tamyz aıyna deıin Strategııalyq damý jáne halyqaralyq qatynastar departamenti dırektorynyń orynbasary, Qarjy jáne ekonomıka departamenti dırektorynyń orynbasary laýazymdarynda qyzmet atqardy.
2010-2013 jyldar aralyǵynda QR Densaýlyq saqtaý mınıstrligi Strategııalyq damý departamentiniń dırektory bolyp jumys jasaǵan.
2013 jyly Qazaqstan Respýblıkasy Densaýlyq saqtaý mınıstriniń orynbasary bolyp taǵaıyndaldy.
Shyǵys Qazaqstan oblysy ákiminiń (2002), QR Densaýlyq saqtaý mınıstriniń (2004) qurmetti gramatolarymen, «Qazaqstan Konstıtýtsııasyna 10 jyl» (2005), «Astanaǵa 10 jyl» (2008) mereıtoılyq medaldarymen marapattalǵan. Densaýlyq saqtaý isiniń úzdigi (2006).
2017 jyldyń aqpan aıynan beri qazirgi qyzmetinde.
46 jyl buryn «Lıter» JShS dırektory, «Lıter» gazetiniń bas redaktory Jańahanov Qaısar Qadyruly dúnıege kelgen.
Abaı atyndaǵy Almaty memlekettik ýnıversıtetin bitirgen. Buǵan deıin QR Mádenıet, aqparat jáne sport mınıstrliginiń Aqparat jáne muraǵat komıtetiniń tóraǵasy, QR Prezıdenti Ákimshiliginiń áleýmettik-saıası bólimi meńgerýshisiniń orynbasary, «KAZENERGY» Qazaqstan munaı-gaz jáne energetıkalyq kesheni uıymdary qaýymdastyǵynyń atqarýshy dırektory, «Raýan Medıa Grýpp» AQ aqparat-taldaý ortalyǵynyń dırektory - bas dırektor orynbasary, «Arna Medıa» ulttyq aqparattyq holdıngi» AQ basqarma tóraǵasynyń orynbasary, «Nur-Medıa» medıaholdınginiń bas dırektory, 2011-2012 jyldary «Astana» telearnasynyń bas dırektory, 2012-2014 jyldary «Lıter» gazetiniń bas redaktory, «Lıter» jaýapkershiligi shekteýli seriktestiginiń bas dırektory, 2012 jyldyń aqpanynan mamyr aıyna deıin Qazaqstan Respýblıkasy Parlamenti Májilisi baspasóz qyzmetiniń basshysy, 2014 - 2017 jyldary - «Qazpress» JShS bas dırektory qyzmetterin atqarǵan. Qazirgi qyzmetinde 2017 jylǵy qyrkúıekten beri.
45 jyl buryn (1973) SQO Іshki saıasat basqarmasynyń basshysy BEKShENOV Erbolat Muratuly dúnıege keldi.
2006 jyly Ortalyq Azııa ýnıversıtetin ekonomıst mamandyǵy boıynsha bitirdi.
Eńbek joly: Soltústik Qazaqstan oblysy Taıynsha aýdany «Bekshenov» sharýa fermerlik qojalyǵy basshysynyń orynbasary. 2003-2004 jyldary - Qostanaı oblysy Qostanaı qalasyndaǵy «Et» JShS ekspedıtory, menedjeri. 2006 - 2007 jyldary - Soltústik Qazaqstan oblysy Taıynsha aýdany Donetsk selolyq okrýginiń ákimi.
2007 jylǵy qarashadan jeltoqsanǵa deıin - Soltústik Qazaqstan oblysy Mamlıýt aýdany Mamlıýtka qalasy ákiminiń orynbasary, 2007 jyldyń jeltoqsanynan bastap 2010 jyldyń 6 jeltoqsanyna deıin - Soltústik Qazaqstan oblysy Mamlıýt aýdany Mamlıýtka qalasynyń ákimi.
2010 jyldyń jeltoqsanynan bastap aýdan ákiminiń áleýmettik máseleler jónindegi orynbasary.
2014-2018 jyldar aralyǵynda Soltústik Qazaqstan oblysy Mamlıýt aýdanynyń ákimi bolyp qyzmet atqarǵan.
2018 jyldyń aqpan aıynan qazirgi qyzmetinde.
58 jyl buryn (1960) fılolog, ádebıet synshysy, rejısser, stsenarıst DOSKEN Ǵalym Tólembekuly dúnıege keldi.
Abaı atyndaǵy Qazaq pedagogıka ınstıtýtyn bitirgen.
«Qazaqstannyń teledıdary men radıosy» Respýblıkalyq korporatsııasy» JAQ basqarma tóraǵasynyń birinshi orynbasary (2001-2002); «Qazaqstan» Respýblıkalyq teleradıokorporatsııasy» AQ basqarma tóraǵasy (2002-2006); «El» prodıýserlik ortalyǵynyń shyǵarmashylyq jetekshisi (2007 jyldan).
«Sáýleni kútý», «Uly dala astanalary», «Mańǵystaý qabirleriniń túsi», «Joǵalǵan jaryq hronıkasy» jáne t.b. fılmdiriniń, «Toǵyz quıryqty aq túlki», «Sıqyrly fleıta», «Bıleıtin qus» kitaptarynyń, «Jeztyrnaq» baleti lıbrettosynyń, aýdarmalardyń avtory.
204 jyl buryn (1814-1862) amerıkandyq qarý-jaraq konstrýktory KOLЬT Samıýel dúnıege keldi.
Ol qarý-jaraq kompanııasynyń jáne zaýytynyń negizin qalaǵan. S.Kolttiń alǵashqy revolveri oǵan deıingi qoldanystaǵy barabandy qarýdyń jáne revolverdiń júıesin jetildire tústi. Osydan keıin onyń fırmasy atys qarýynyń avtomatty pıstolet, revolver sııaqty kóptegen túrleriniń úlgisin jasap shyǵardy.