19 shilde: QazAqparat kúntizbesi
19 shilde, BEISENBІ
Nıkaragýa Respýblıkasynyń Ulttyq meıramy - Revolıýtsııa kúni (1979)
Nıkaragýadaǵy revolıýtsııa barysynda dıktator Somosa bılikten taıdyryldy. Osy oqıǵanyń qurmetine belgilengen meıram jyl saıyn jalpyulttyq deńgeıde atap ótiledi.
Japonııada Áıel mınıstrler kúni
«Saıasattaǵy áıel», «úkimettegi áıel» - qazirgi qoǵamda qalypty qabyldanatyn tirkester. Álemdik tarıhta saıasatker-áıel, mınıstr-áıel, prezıdent-áıel bolǵan erekshe esimder boldy. Japonııada áıel zaty úkimette alǵash ret 1960 jyly paıda boldy. 1960 jyldyń 19 shildesinde Nakaıama Masa mınıstr laýazymyn alǵan Japonııadaǵy alǵashqy áıel boldy. Ol Densaýlyq saqtaý mınıstrligin basqardy. Sodan beri 19 shilde Japonııada Áıel mınıstrler kúni retinde resmı emes jaǵdaıda atap ótiledi.
ESTE QALAR OQIǴALAR
1929 jyly Túrksib qurylysshylarymen mingen alǵashqy E-1441 poıyzy kelip jetti. 1926 jyldyń 3 jeltoqsanynda KSRO Eńbek jáne qorǵanys komıteti Túrkistan-Sibir temirjolyn salý týraly arnaıy qaýly qabyldady.1927 jyldyń 2 naýryz kúni KSRO halyq komıssarlary keńesi Túrkistan-Sibir temirjolyna qatysty qaýly qabyldandy. Temirjol Orta Azııadaǵy maqta ósiretin aýdandardan shıkizat kózin Reseıge tasymaldaý, Qazaqstan men Ońtústik Reseıden astyqty Orta Azııaǵa jetkizýde mańyzdy ról atqardy. Qurylysqa qazaqtyń 10 myń qurylysshysy jumyldyryldy
1938 jyly Ońtústik kempirsaı hromıtti ken orny bazasynda Don ken baıytý kombınatynyń negizi qalandy.
1963 jyly Qazaq KSR Mınıstrler Keńesiniń qaýlysymen Batys Qazaqstan aýyl sharýashylyǵy ınstıtýty ashyldy. Búginde oqý orny Jáńgir han atyndaǵy Batys Qazaqstan agrotehnıkalyq ýnıversıteti dep atalady.
1996 jyly Atlantada XXVI Olımpıada oıyndary bastaldy. Oǵan sportshylardyń rekordty sany - 10 744 (7060 er, 3684 áıel) adam qatysty. Qazaqstan Atalantada táýelsiz memleket retinde tuńǵysh jazǵy Olımpıada oıyndaryna qatysty.
3 altyn, 3 kúmis jáne 4 qola medalmen Qazaqstan quramasy jalpykomandalyq esepte 24-orynǵa taban tiredi.
Kók baıraqty jelbiretip, Ánuranymyzdy áýeletken «altyn» sportshylar - ıÝrıı Melnıchenko (grek-rım kúresi), Aleksendr Parygın (bessaıys) jáne Vasılıı Jırov (boks).
2005 jyly Pavlodar oblysy Baıanaýyl aýdanyndaǵy Teńdik aýylynda qazaqtyń alǵashqy akademıgi Qanysh Sátbaevtyń týǵan aýylynda (Semeı gýbernııasy Pavlodar ýezi Aqkeli bolysynyń №4 aýyly) ataqty jerlesterine arnalǵan bolashaq memorıaldy keshenniń alǵashqy irgetasy qalandy.
Sharaǵa Astanadan, kórshi oblystardan kelgen qonaqtar, jergilikti halyq, barlyǵy myńdaǵan adam qatysty. Olar aýdan ortalyǵyndaǵy akademıktiń murajaıyna, Buqar jyraýdyń, fılosof jáne ádebıettanýshy Máshhúr Júsip Kópeıulynyń, qazaq poezııasynyń klassıgi Sultanmahmut Toraıǵyrovtyń basyna bardy.
2005 jyly Petropavldyń beıneleý óneri murajaıynda jergilikti sýretshilerdiń «Jaz tynysy» kórmesi ashyldy.
Kórmege Qazaqstan Respýlıkasy eńbek sińirgen mádenıet qyzmetkeri Anatolıı Býrgaev, birneshe jeke kórme ashqan Valerıı Savelev, Grıgorıı Kaıdash sııaqty tanymal qylqalam sheberlerimen qatar, barlyǵy 9 sýretshiniń týyndylary qoıylǵan. Solardyń ishinde Esil aýdanyndaǵy ıAvlenka selosynan áýesqoı-sýretshi Vıacheslav Smırnov kórmege alǵash ret qatysty.
2007 jyly Ortalyq saılaý komıssııasy janynan Qazaqstan Respýblıkasy Parlamenti Májilisiniń kezekten tys jáne máslıhattardyń kezekti saılaýy barysynda týyndaýy múmkin aqparattyq talas-tartystardy qarastyratyn qoǵamdyq keńes quryldy.
Qoǵamdyq keńes quramyna Ortalyq saılaý komıssııasy músheleri, Mádenıet jáne aqparat mınıstrliginiń ókilderi, saıası partııalar, buqaralyq aqparat quraldary basshylary kirip otyr. Keńestiń basty maqsaty - saılaý naýqany barysynda týyndaǵan aqparattyq talastardy, túsinbeýshilikterdi, sondaı-aq, saılaý zańnamasy men Konstıtýtsııaǵa sáıkes saılaý normalaryn saqtaýdy alqaly túrde qarastyrý.
2010 jyly Leoý Nın (QHR) ýnıversıtetiniń professory Sý Shý ıAnnyń «Qytaıtaný» kitaby jaryqqa shyqty.
Ony qytaı tilinen qazaq tiline Dýlat Málikuly, Bek Dókeıuly, Serik Kenenbaı aýdardy. Qazaqstanda kitap «Husnıhat» baspasynan shyqty.
2010 jyly QR Prezılenti «Qazaqstan Respýblıkasynyń áýe keńistigin paıdalaný jáne avıatsııa qyzmeti týraly» QR Zańyna qol qoıyldy.
Ol áýe keńistigin paıdalaný jáne avıatsııa qyzmetine baılanysty qoǵamdyq qatynastardy retteýge baǵyttaldy.
2010 jyly Shanhaı yntymaqtastyq úıymyna Qazaqstan tóraǵalyǵynyń resmı veb-saıty - ww.sco2011.kz qyzmetin bastady.
2012 jyly Semeıde Polkovnıchıı aralynda «Álem mýzeıi» jobasy tanystyryldy.
2012 jyly Qazaqstan Respýblıkasy men Aýstralııa Odaǵy arasyndaǵy dıplomatııalyq baılanysqa 20 jyl tolýyna oraı Sıngapýrde arnaıy qabyldaý ótti. Búginde Aýstralııa men Qazaqstan energetıkalyq jáne resýrstik sektorlary myqty elderdiń qataryna engen.
2014 jyly Qaraǵandy oblysy «Spassk» oqý ortalyǵynyń bazasynda «Altyn Úki-2014» arnaıy maqsattaǵy bólimshelerdiń snaıperlik juptarynyń halyqaralyq jarysy aıaqtaldy.
Jarysqa Reseı, Ulybrıtanııa, Iordanııa, Pákistan, AQSh, Qytaı áskerı qyzmetshileri qatysty. Nátıjesinde Qazaqstannyń arnaıy maqsattaǵy qyzmetkerleri jeńimpaz atandy. 2 oryndy QHR, 3 oryndy Ulybrıtanııa áskerı qyzmetshileri aldy.
2017 jyly qazaqstandyq ánshi Dımash Qudaıbergen "Eń tanymal sheteldik ánshi" nomınatsııasy boıynsha Asian Music GaLa júldesin ıelendi. Marapattaý rásimi 19 shildede Qytaıdyń Gýanchjoý qalasynda ótti.
2017 jyly Dúnıejúzilik WAF - 2017 festıvaliniń uıymdastyrýshylary fınalǵa ótkenderdiń tizimin jarııalady. Tizimde 400-den astam nysan qamtylǵan, olardyń qatarynda taıaýda ǵana paıdalanýǵa berilgen Astananyń jańa vokzaly da bar.
«Nurly jol» ataýyna ıe bolǵan nysan Astana qalasynyń Almaty aýdanyndaǵy Mustafın kóshesinde ornalasqan. Ǵımarat aýdany 120 myń sharshy metrden asady, al vokzal arqyly táýligine 35 myń jolaýshy ótedi.
1799 jyly ejelgi mysyr jazýy basylǵan Rosset tasy tabyldy. Osy tastyń arqasynda Ejelgi mysyr ıeroglıfteriniń syry ashyldy.
1814 jyly aǵylshyn teńiz saıahatshysy M.Flaınderz óziniń kitabynda jasyl qurlyqty alǵash ret Avstralııa dep atady (kitap jaryq kórgennen keıin, 24 saǵattan soń ol qaıtys boldy).
1822 jyly frantsýz ǵalymy Jozef Neps álemdegi alǵashqy fotosýretti jasady.
1870 jyly AQSh-ta metrıkalyq júıelerdi paıdalanýǵa múmkindik beretin zań qabyldandy.
1871 jyly Kanadaǵa Brıtan Kolýmbııasy provıntsııasy qosyldy.
1900 jylyParıj metrosy ashyldy. Qazirgi ýaqytta parıjdik metronyń uzyndyǵy 199 shaqyrymdy quraıdy, onyń 369 stansasy bar. Metro poıyzdarynyń 3500 vagony kúndelikti 6 mıllıon adamdy tasymaldaıdy.
1908 jyly Londondaǵy áýlıe Pavel shirkeýinde Olımpıadaǵa aq jol tilegen epıskop alǵash ret: «Eń bastysy, jeńis emes - qatysý» degen sózderin aıtty.
1919 jyly Los-Andjeleste úlken jyldamdyqpen júrip jol erejesin buzǵan júrgizýshini ustaý úshin aeroplan paıdalanyldy.
1949 jyly Laos Frantsııadan táýelsizdigin aldy.
1954 jyly Elvıs Preslıdiń alǵashqy sıngli shyqty.
1991 jyly qytaı astrology Tegeranda kúshti jer silkinisi bolady dep boljaǵannan keıin myńdaǵan turǵyn qalany tastap ketti.
2003 jyly tildi aýystyryp salý boıynsha álemdegi alǵashqy operatsııa sátti ótti.