19 ret «Úlken dýlyǵa» týrnıriniń jeńimpazy bolǵan tennısshi ómirden ozdy
ASTANA. QazAqparat - On toǵyz ret «Úlken dýlyǵa» týrnıriniń jeńimpazy atanǵan brazılııalyq tennısshi Marııa Býeno 78 jasqa qaraǵan shaǵynda San-Paýlýda qaıtys boldy, dep habarlaıdy Globo telearnasy.
Osydan eki kún buryn ol jergilikti aýrýhanaǵa jatqyzylǵan.
Qaterli isik dertine shaldyqqan Býeno 2017 jyldan beri únemi dárigerlerdiń baqylaýynda bolǵan edi.
Ol «Úlken dýlyǵa» týrnırinde 19 ret jeńgen. Býeno jeke de, juptyq ta jáne aralas básekede de qarsylas shydatpaǵan tennısshi.
Jeke jarysta brazılııalyq Ýımbldonda úsh ret (1959, 1960, 1964) jáne AQSh-tyń ashyq chempıonatynda tórt ret (1959, 1963, 1964, 1966) jeńimpaz atandy. 1960 jyly Frantsııanyń ashyq chempıonatynda aralas básekede de jeńiske jetti.
Býeno juptyq básekede «Úlken dýlyǵa» týrnırinde 11 ret jasyndaı jarqyldady. Bir ret - Avstralııanyń ashyq chempıonatynda (1960), bir ret - Frantsııanyń ashyq chempıonatynda (1960), bes ret - Ýımbldonda (1958, 1960, 1963, 1965, 1966) tórt ret - AQSh-tyń ashyq chempıonatynda (1960, 1962, 1966, 1968) eshkimdi shaq keltirmedi.
Al, 1960 jyly ol bir jyldyń ishinde «Úlken dýlyǵanyń» juptyq básekesinde tórt týrnırde top jardy.
