19 naýryzǵa arnalǵan aýa raıy boljamy
ASTANA. QazAqparat - Qazaqstan terrıtorııasynyń basym bóliginde atmosferalyq frontaldy bólikterdiń ótýine baılanysty el aýmaqtarynda aýa raıynyń turaqsyzdyǵy saqtalady, keı jerlerde burqasyn, jeldiń kúsheıýi, tuman, kóktaıǵaq bolady, dep habarlaıdy QR TJM «Qazgıdromet» RMK-ge silteme jasap.
Almaty oblysynyń keıbir jerlerinde jel kúsheıip, 15-20 m jetedi. Jambyl oblysynyń birqatar aýdanynda 17-22 m/s deıin jel kúsheıedi. Ońtústik Qazaqstan oblysynda qatty jel bolyp, keıbir aımaqtarynda túnde jáne tańerten 25 m/s deıin jetedi. Mańǵystaý, Qyzylorda, Atyraý oblystarynda shańdy daýyl turyp, jeldiń kúshi sekýndyna 17-22 m/s deıin jetse, Batys Qazaqstan oblysynda jel kúsheıip, keıbir jerge tuman túsip, kóktaıǵaq bolady. Aqtóbe oblysynda jel 17-22 m/s deıin jetip, burqasyn, kóktaıqaq bolyp, tuman túsedi. Al Aqmola, Soltústik Qazaqstan, Qostanaı, Pavlodar oblystarynda jeldiń jyldamdyǵy sekýndyna17-22 metrge deıin, sondaı-aq 23-28, al keıbir aýdandarda 30m/s deıin barady. Tuman túsip, boran soǵyp, kóktaıǵaq saqtalady. Sondaı-aq Shyǵys Qazaqstan oblysynda jeldiń kúshi 15-20 m/s deıin barady, al Qaraǵandy oblysynda túnde jeldiń kúshi 15-20, al kúndiz 15-20 m/s deıin saqtalady.
