19 naýryzda Mysyrda prezıdenttik saılaý naýqany bastalady
ASTANA. QazAqparat - Egıpette 19 naýryzda prezıdenttik saılaýǵa úmitkerlerdi tirkeý bastalyp, ol úsh aptaǵa jalǵasady. Bul týraly ortalyq saılaý komıssııasy derek kózderinen málim boldy.
Jeksenbi kúni EAR ýaqytsha prezıdenti Adlı Mansur mysyrlyq SVS telearnasyna bergen suhbatynda barlyq prezıdenttik saılaý naýqanynyń 60 kúnge josparlanǵanyn habarlady. «Maýsymda eldiń jańa prezıdenti bolady», - dep atap ótti ol. Biraq ózi aldaǵy saılaýǵa qatyspaıdy. «Qazirgi ýaqytta usynylǵan jalǵyz úmitker - Hamdın Sabbahı. Qorǵanys mınıstri jáne vıtse-premer Abdel Fattah as-Sısı saılaýǵa túsýge nıetti», - dep atap ótti Adlı Mansur.
Memleket basshysyn saılaýdyń naqty qaı kúni ótetini taıaý ýaqytta jarııalanýy tıis.
