19 naýryzda QR óńirlerinde tuman túsip, jeldiń kúsheıýi kútiledi
ASTANA. QazAqparat - Beısenbi kúni, 19 naýryzda respýblıkanyń soltústik-shyǵys jaǵynda jáne ońtústiginde aýa raıynyń turaqsyz bolýy kútiledi, keı jerlerde jaýyn-shashyn bolyp, jel kúsheıedi, burqasyndatýy múmkin. Keı jerlerde tuman túsedi, kóktaıǵaq bolady, dep habarlady «Qazgıdromet» RMK.
Aqmola oblysynda túnde jáne tańerteń, Ońtústik Qazaqstan oblysynda tańerteń jáne kúndiz keı jerlerde jeldiń kúshi 15-20 m/s-qa deıin jetedi.
Almaty oblysynyń Jalańashkól aýdanynda jeldiń ekpini 15-20 m/s bolady, túnde keı jerlerde tuman túsedi.
Jambyl, Qyzylorda, Mańǵystaý, Atyraý, Batys Qazaqstan, Qaraǵandy, túnde jáne tańerteń Aqtóbe, Soltústik Qazaqstan oblystarynda keı jerlerde tuman túsedi.
Qostanaı oblysynda keı jerlerde tuman túsedi, tańerteń jáne kúndiz jeldiń kúshi 18 m/s.
Shyǵys Qazaqstan oblysynda keı jerlerde burqasyndatyp, jeldiń ekpini 15-20 m/s-qa deıin kúsheıedi.
Pavlodar oblysynda keı jerlerde jel 15-20 m/s-qa deıin kúsheıedi, túnde keı jerlerde kóktaıǵaq bolady.
Sonymen qatar taıaýdaǵy táýlikterde Syrdarııa ózeniniń tómengi aǵysynda muz qabaty álsirep, buzyla bastaıdy Respýblıkanyń batysyndaǵy keıbir ózenderde muz qabatynyń birtindep álsireýi jalǵasady, kóktemgi úderister óristeıdi. Respýblıkanyń ońtústigindegi jáne ońtústik-shyǵysyndaǵy ózenderde sý deńgeıiniń qubylýy baıqalady.
