19 naýryz kúni Qazaqstanda bolatyn mańyzdy oqıǵalarǵa sholý
ASTANA. QazAqparat - «QazAqparat» halyqaralyq aqparat agenttigi 19 naýryz kúni Qazaqstanda bolatyn mańyzdy oqıǵalarǵa sholýyn usynady.
Saǵat 10.00-de QR Parlament Májilisiniń plenarlyq otyrysy.
Saǵat 11.00-de Astana qalasy Bilim basqarmasynyń bastamasymen «Memlekettik qyzmet kórsetýdiń jańa standartyna sáıkes balabaqshalarda oryndardy esepke alýdy uıymdastyrý» taqyrybynda brıfıng ótedi.
Saǵat 12.20-da Ortalyq kommýnıkatsııalar qyzmetinde jyly maýsymdarǵa arnalǵan Qazaqstan boıynsha aýa-raıy boljamy týraly baspasóz konferentsııasy ótedi.
Saǵat 15.00-de Ortalyq kommýnıkatsııalar qyzmetinde Qazaqstan Respýblıkasynyń jáne Vengrııanyń bilim berý salasyndaǵy yntymaqtastyǵyna arnalǵan baspasóz konferentsııasy ótedi.
Saǵat 16.20-da Ortalyq kommýnıkatsııalar qyzmetinde «Tarıhı jáne mádenı muralar obektilerin paıdalaný jáne qorǵaý týraly» QR Zań jobasyna arnalǵan baspasóz konferentsııasy ótedi.
Saǵat 19.00-de Qazaqstandaǵy Qytaı Halyqtyq Respýblıkasynyń elshiligi ǵımaratynda Naýryz merekesine oraı qabyldaý ótedi. Qabyldaýda QHR Qazaqstandaǵy tótenshe jáne ókiletti elshisi Chjan Hanhýeı sóz sóıleıdi.
ALMATY
Saǵat 11.00-de Almaty qalasyndaǵy Dostyq úıinde Elbasy Nursultan Nazarbaevtyń bes áleýmettik bastamasyna oraı jıyn ótedi.
AQTÓBE
Saǵat 12.00-de oblystyq Planetarııde «Qosh keldiń, nurly Naýryz» atty merekelik shara ótedi.
Saǵat 15.00-de oblystyq «Rýhanııat» mýzeıinde «Nur sebele, Ulystyń uly kúni» atty mektep oqýshylarynyń sýret kórmesi ashylady.
