19 NAÝRYZ. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER

19 NAÝRYZ, SEISENBІ

RF Áskerı-teńiz floty súńgýir qaıyq qyzmetkerleriniń kúni.

Haly qaralyq tutynýshy kúni. Bul kún lıtvalyq jáne reseılik kásipkerlerdiń bastamasymen paıda bolǵan kún. Alǵash ret 2010 jyly toılandy. Sodan beri jyl saıyn bul merekeni Eýropa men Amerıka elderi qoldap keledi. Atap aıtqanda bul kúni kásipkerler tutynýshylaryna yntymaqtastyǵy úshin alǵys aıtyp, ózderiniń rızashylyǵyn bildiredi.

Fınlıandı ıadaǵy teńdik kúni. Bul jazýshy, dramatýrg, jýrnalıst jáne qoǵam qaıratkeri Mınna Kanttyń týǵan kúnine oraı belgilengen mereke. Dál osy kúndi 2003 jyly Fınlııandııanyń Іshki ister mınıstrligi usynǵan. Sóıtip ol 2007 jyly memlekettik merekeler kúntizbesine endi.

ESTE QALAR OQIǴALAR

1 8 jyl buryn (1996) Qazaqstan Respýblıkasy Prezıdentiniń tóraǵalyǵymen Joǵarǵy sot keńesiniń birinshi májilisi ótti.

1 3 jyl buryn (2001) QR Prezıdenti Nursultan Nazarbaevtyń Jarlyǵymen «Astananyń gúldenýi - Qazaqstannyń gúldenýi» Astana qalasynyń áleýmettik-ekonomıkalyq damýynyń 2005 jylǵa deıingi kezeńge arnalǵan baǵdarlamasy bekitildi.

9 jyl buryn (2005) Qyzylorda oblysy Shıeli aýdany Alǵabas aýylynyń №157 orta mektebine tanymal ǵalym, qoǵam qaıratkeri, professor Berkimbaı Perimbetovtyń esimi berildi.

Berkimbaı Perimbetov (1929-1996) Qazaq KSR-nyń qurylys materıaldary ónerkásibiniń mınıstri, KSRO Mınıstrler Keńesinde Qazaqstannyń turaqty ókili boldy. 1984 jyldan «Orgtehstrom» AQ-ny basqardy. Ǵalym ónerkásip qurylys materıaldarynyń jańa salasyn qurýǵa zor úlesin qosty.

7 jyl buryn (2007) Almatyda «Qazaqtelekom» AQ telekommýnıkatsııalyq kompanııasy óziniń korporatıvti www.telecom.kz portalynyń tusaýkeser rásimin ótkizdi.

Onyń ishinde 52 aqparattyq qyzmet bar, atap aıtqanda olar kompanııa týraly tolyq aqparat, barlyq kórsetiletin qyzmet túrleri men tarıfterdiń tizimi, tóleý qyzmeti týraly málimet, abonent anyqtamasy jáne t.b.

4 jyl buryn (2010) Memleket basshysy Nursultan Nazarbaev statıstıka qyzmeti salasyndaǵy quqyqtyq negizderdi, memlekettik statıstıka organdarynyń jáne respondentterdiń ózara qarym-qatynastary men ózara is-qımylyn anyqtaýǵa baǵyttalǵan «Memlekettik statıstıka týraly» Qazaqstan Respýblıkasynyń Zańyna qol qoıdy.

4 jyl buryn (2010) Memleket basshysy Nursultan Nazarbaev Qazaqstan Respýblıkasynyń birqatar zańnamalyq aktilerin «Memlekettik statıstıka týraly» Zańǵa sáıkestendirýge baǵyttalǵan «Qazaqstan Respýblıkasynyń keıbir zańnamalyq aktilerine memlekettik statıstıka jáne salyq salý máseleleri boıynsha ózgertýler men tolyqtyrýlar engizý týraly» Qazaqstan Respýblıkasynyń Zańyna qol qoıdy.

83 jyl buryn (1931) Qazaqstandaǵy alǵashqy ári aldynǵy qatarly medıtsınalyq oqý ordasynyń biri - S.D.Asfandııarov atyndaǵy Qazaq ulttyq medıtsınalyq akademııasy ashyldy.

4 jyl buryn (2010) Qytaıdyń Úrimshi qalasynda «Aqqý áýeni» atty qazaq halyq ánderiniń jınaǵy shyqty. Sondaı-aq bul kúni qazaq poemalary men aıtysker aqyndardyń jınaǵynyń tusaýy kesildi.

3 jyl buryn (2011) Almatyda alǵash ret qazaq blogerleriniń quryltaıy ótti.

3 jyl buryn (2011) máskeýlik «Mır» ortalyq zalynda Naýryz meıramyna arnalǵan Qazaqstannyń Reseıdegi elshiliginiń uıymdastyrýymen saltanatty kesh ótti.

1 jyl buryn (2013) Astanada QR elektrondy úkimetiniń mobıldik qosymshasynyń tanystyrylymy ótti.

1 jyl buryn (2013) «Eır Astana» kompanııasynyń Embraer 190 ushaǵyna Qazaqstannyń halyq ártisi, «Tarlan» syılyǵy men Memlekettik syılyqtyń ıegeri Ámına Ómirzaqovanyń esimi berildi. Jańa áýe kemesi Astanadan Pavlodar, Qostanaı, Shymkent, Óskemen, Ekaterınbýrg, Novosibir, Baký, Tbılısı, Bishkek, Orynbor, Omby jáne Tashkent qalalaryna qatynaıdy.

1 jyl buryn (2013) Almatyda qarjygerler balleıasy ashyldy. Oǵan tıan-shandik 70 shyrsha otyrǵyzyldy.

640 jyl buryn (1474) Venetsııada óner týyndylaryn qorǵaý týraly zań - álemdegi alǵashqy avtorlyq quqyqty qorǵaý týraly zań qabyldandy.

183 jyl buryn (1831) AQSh-ta alǵashqy bank tonaýy oryn aldy. Amerıkalyq emıgrant Edvard Smıt City Bank of New York bankinen 245 000 dollar urlap, keıin ol túrmege otyrǵyzyldy.

115 jyl buryn (1899) Reseıde jáne Peterborda alǵashqy jedel járdem stansasy ashyldy.

92 jyl buryn (1922) sol kezdegi eldegi eń úlken bıiktigi 160 metrlik Shabolovka radıostansaynan habar taratyla bastaldy.

80 jyl buryn (1934) «Progress» sovhozynyń jumysshysy Mıtrofan Mıhaılovıch Nıkıtın V.I.Lenınniń balzamdalǵan máıitin urlaýǵa árekettendi.

56 jyl buryn (1958) Strasbýrgte Eýroparlamenttiń alǵashqy otyrysy ashyldy.

ESІMDER

11 5 jyl buryn (1899-1974) qazaq áıelderi arasynan shyqqan tuńǵysh ınjener, qoǵam qaıratkeri BEGALIEVA Mádına Qojbanqyzy dúnıege keldi.

Batys Qazaqstan oblysynyń Kaztalov aýdanynda týǵan. Han ordasyndaǵy (qazirgi Orda aýyly) úsh jyldyq pedagogıkalyq kýrsty, Ordadaǵy Búkilodaqtyq Kommýnıstik (bolshevıkter) partııa mektebin, Búkilodaqtyq ónerkásip akademııasyn bitirgen. 1922-1935 jyldary - Bókeı, Oral gýbernııalary jáne Syrdarııa okrýginiń Búkilodaqtyq Kommýnıstik (bolshevıkter) partııasy komıtetterinde áıelder arasyndaǵy jumys jónindegi bólimniń meńgerýshisi, Búkilodaqtyq Kommýnıstik (bolshevıkter) partııasy Qazaqstan ólkelik komıtetiniń nusqaýshysy, Ólkelik ónerkásip odaǵy tóraǵasynyń orynbasary. 1935-1943 jyldary Balqash mys qorytý zaýytynda ınjener boldy. 1943-1948 jyldary Atyraý oblystyq Búkilodaqtyq Kommýnıstik (bolshevıkter) partııasy komıtetiniń áıelder arasyndaǵy jumys jónindegi bólim meńgerýshisi, Qazaqstan Kommýnıstik partııasy Ortalyq komıtetiniń nusqaýshysy, respýblıkalyq baqylaý organynda baqylaýshy bolyp istedi. 1949 jyldan zeınet demalysynda boldy.

6 4 jyl buryn (1950) akter, Qazaqstannyń eńbek sińirgen ártisi, rejısser QAJYMURATOV Serdesh dúnıege keldi.

Batys Qazaqstan oblysy Qaztalov aýdanynyń Ájibaı aýylynda týǵan. Almaty memlekettik óner ınstıtýtyn (T.Júrgenov atyndaǵy Qazaq ulttyq óner akademııasy) bitirgen.

Qaraǵandy oblysy drama teatrynyń aktery, Batys Qazaqstan oblystyq qazaq drama teatrynyń bas rejıssery qyzmetterin atqarǵan. Qazirgi ýaqytta Batys Qazaqstan oblystyq qazaq drama teatrynyń qoıýshy rejıssery.

Teatr sahnasynda Álibek, Japal (Muhtar Áýezov «Aıman-Sholpan», «Eńlik-Kebek»), Shoqan (Sábıt Muqanov «Shoqan Ýálıhanov»), Qodar, Serdáli (Ǵabıt Músirepov «Qozy Kórpesh-Baıan sulý, «Aqan seri-Aqtoqty»), Baqyt, Altynbek (Sáken Júnisov «Tyraý-tyraý tyrnalar», «Qysylǵannan qyz boldym»), Nııaz (Tahaýı Ahtanov «Mahabbat muńy»), Jangeldın (M.Sımashko «Tótenshe komıssar») rólderin oınaǵan.

10-nan asa kınofılmge tústi, 1986 jyly «Kúzet bastyǵy» fılminde Qurymbaıdyń rólin shynaıylyqpen sheber somdady. Rejısser retinde Dýlat Isabekovtyń «Apa» pesasyn Batys Qazaqstan oblystyq qazaq drama teatrynda sahnalady.

Qazaqstan Respýblıkasy Memlekettik syılyǵynyń ıegeri.

60 jyl buryn (1954) kınorejısser NUǴYMANOV Rashıd Musauly dúnıege keldi.

Almatyda týǵan. Qazaq polıtehnıkalyq ınstıtýtyn, Búkilodaqtyq kınematografııa ınstıtýtyn bitirgen. 1977-1981 jyldary Almatydaǵy «Qazaqazamataýyljoba» ınstıtýtynyń aǵa sáýletshisi. 1981-1984 jyldary - Qazaqstan eskertkishterdi qorǵaý qoǵamynyń sáýletshisi. 1988 jyly «Ine» fılmin túsirip, 1990 jyly Nıýrngrı qalasyndaǵy (Germanııa) Halyqaralyq kınofestıvaldiń bas júldesin jeńip aldy. 1988-1989 jyldary Nuǵymanov «Qazaqfılm» kınostýdııasy «Álem» birlestiginiń kórkemdik jetekshisi qyzmetin atqardy. 1993 jyldan shet elde turady. Ol 1986 jyly qysqa metrajdy «Ia-hha», 1992 jyly «Jabaıy Shyǵys», t.b. fılmderin túsirgen.

60 jyl buryn (1954) ánshi, Qazaqstannyń eńbek sińirgen ártisi RAQYMOVA Jumaǵanym dúnıege keldi.

Reseıdiń Saratov oblysynda týǵan. Almaty konservatorııasyn (qazirgi Qazaq ulttyq konservatorııasy) bitirgen. Sol jyly Qazaq ult aspaptar orkestriniń, «Otyrar sazy» folklorlyq-etnografııalyq orkestriniń ánshi-solısi boldy. Qazir Batys Qazaqstan fılarmonııasynda ánshi, ári Batys Qazaqstan ýnıversıtetinde dotsent bolyp isteıdi. Ánshiniń repertýarynda 300-den astam qazaq, orys jáne shet el kompozıtorlarynyń ánderi, arııalary, romanstary, valsteri, t.b. bar. Onyń oryndaýyndaǵy birneshe án, respýblıkalyq teleradıonyń «Altyn qoryna» jazylǵan. 1981 jyly Búkilodaqtyq M.Glınka atyndaǵy vokalıster baıqaýynyń dıplomanty atanǵan.

60 jyl buryn (1954) M.Áýezov atyndaǵy Ońtústik Qazaqstan memlekettik ýnıversıtetiniń «Halyq aspaptary orkestri» kafedrasynyń meńgerýshisi, ónertaný mamany, dotsent, respýblıkalyq kúıshi-sazgerler konkýrsynyń laýreaty, Ashǵabadta ótken 1-shi Búkilodaqtyq sazgerler týrnıriniń dıplomanty, Kıevte ótken 2-shi Halyqaralyq folklorlyq festıvaldiń júldegeri JARQYNBEKOV Musabek dúnıege keldi.

Jambyl oblysynyń Jýaly aýdanynda týǵan. Onyń esimi respýblıkaǵa óner zertteýshi ǵalym jáne qylqobyz sheberi retinde keńinen tanymal. Ol «Qazaq halyq aspaptary orkestri», «Ǵasyrlar úni», «Halyq aspaptary orkestrimen jumys isteý ádisi», «Ońtústik Qazaqstandyq jyrshy, termeshi jáne kompozıtorlar», «Qylqobyz úırený metodıkasy», «Kúı tolqyny hrestomatııasy», «Qazaq ult aspaptarynyń máseleleri», «Aspaptaný», «Qylqobyz tartýdy úıretý ádisteri» sııaqty ǵylymı-ádistemelik kitaptardyń, zertteý eńbekterdiń avtory. Qorqyttyń (8-9 ǵ.) shyǵarmashylyǵy men mýzykalyq murasyna arnalǵan «Elim-aı» atty monografııasy japon, aǵylshyn tilderine aýdarylyp jaryq kórdi. «Kóne mýzyka aspaptary murajaıyn» uıymdastyrdy. Ol izdep taýyp, jetildirgen «Qamys syrnaı», «Til sybyzǵy» aspaptary halyq ónerpazdarymen qaıta qaýyshty. Jarqynbekov 1979 jyldan beri Shymkenttegi halyq aspaptary orkestriniń dırıjeri, «Dostyq» án-bı ansambliniń jetekshisi, 1986 jyly «Qazyna» folklorlyq-etnografııalyq ansamblin quryp, halyqtyń saz aspaptaryn, kóne án-kúılerin nasıhattap keledi. Osy ansambldi bastap Qyrǵyzstan, Ózbekstan, Moldova, Reseı, Ýkraına, Polsha, Germanııa, Kýba, Túrkııa elderinde óner kórsetip qaıtty.

4 5 jyl buryn (1969) «Qazaqstannyń Halyq banki» AQ basqarma tóraıymy ShAıAHMETOVA Úmit Bolathanqyzy dúnıege keldi.

Almaty qalasynda týǵan. P. Lýmýmba atyndaǵy Halyqtar dostyǵy ýnıversıtetiniń ekonomıka jáne quqyq fakýltetin (1993) ekonomıst mamandyǵy boıynsha; utgers university (AQSh, Nıý-Djersı q.,1996), MVA dárejesimen bitirgen. Qazaq, orys, aǵylshyn jáne arab tilderin biledi.

1993 jyldan QR Ulttyq bankiniń mamany. 1997 jyldan -ABN AMRO BANK qurylymdyq qarjylandyrý bóliminiń mamany. 1998 jyldan - ABN AMRO Asset management basqarma tóraıymy. 2000 jyldan - «Qazaqstan Halyq banki» AQ basqarýshy dırektory; ABN AMRO BANK basqarma tóraǵasynyń orynbasary. 2004 jyldan - «Qazaqstan halyq banki» AQ basqarma teraǵasynyń orynbasary 2009 jyldan beri- «Qazaqstan Halyq banki» AQ basqarma tóraıymy.

«Eren eńbegi úshin» medalimen marapattalǵan.

40 jyl buryn (1974) «Nur-Otan» HDP Tóraǵasynyń birinshi orynbasary BAIBEK Baýyrjan Qydyrǵalıuly dúnıege keldi. Almaty qalasynda týǵan. Qazaq. «Bolashaq» baǵdarlamasy boıynsha Gete ınstıtýttyn (Bremen qalasy, 1995) «Nemis tili»; «Bolashaq» baǵdarlamasy boıynsha Lıýbek qalasyndaǵy Joǵary mektepti (GFR, 1998) pedagog; Ortalyq Azııa ýnıversıtetin (2002) halyqaralyq ekonomıst mamandyqtary boıynsha bitirgen. Aǵylshyn jáne nemis tilderin erkin meńgergen. «Hattamalyq is-sharalardy qamtamasyz etý boıynsha tájirıbelik nusqaulyq» (2007, eki tilde), «Qazaqstan Respýblıkasynyń memlekettik hattamasy» (2010) kitaptarynyń avtory; «Qazaqstan Respýblıkasynyń memlekettik hattamasy» (2004) kitabynyń birlesken avtory; «Prezıdenttiń bir jyly» (2006, 2007) kitabynyń qurastyrýshysy; 6 maqalanyń, sonyń ishinde «Memlekettiń syrtqy saıası qyzmetindegi hattama» (2010), «Sheteldik memleketterdiń hattamalyq qyzmetin ınstıtýttandyrýdyń keıbir aspektileri týraly» (2010) jáne t.b. jarııalanymdardyń avtory. «Nur Otan» HDP múshesi (2002 jyldan). 1999 jyldan - Maındaǵy Frankfýrt qalasy QR Bas konsýldyǵynyń referenti, attashesi - GFR-daǵy QR Elshiligi ekonomıkalyq bóliminiń úshinshi hatshysy (Berlın qalasy). 2002 jyldan - QR Prezıdenti Ákimshiligi Júıeli zertteýler ortalyǵynyń sarapshysy. 2003 jyldan - QR Prezıdenti Hattamasynyń aqparat pen taldaý sektorynyń meńgerýshisi, 2004 jyldan - bas ınspektory, 2006 jyldan - Hattama jetekshisi. 2009 jyldyń tamyz aıynan beri - QR Prezıdenti Ákimshiligi jetekshisiniń orynbasary. 2013 jyldyń qańtarynan bastap «Nur-Otan» HDP Tóraǵasynyń birinshi orynbasary. QR Prezıdentiniń halyqaralyq «Bolashaq» stıpendııasy stıpendıattary qaýymdastyǵy keńesiniń (2008 jyldan); Qazaq gýmanıtarlyq zań ýnıversıteti Qamqorshylyq keńesiniń (2010 jyldan) tóraǵasy. S.D. Asfendııarov atyndaǵy Qazaq ulttyq medıtsına ýnıversıteti Qamqorshylyq keńesiniń (2010 jyldan) múshesi. «Qurmet» (2008) ordenimen; «Qazaqstan Respýblıkasynyń táýelsizdigine 10 jyl» (2001), «Astananyń 10 jyldyǵy» (2008) medaldarymen; QR Prezıdentiniń alǵys gramotalarymen (2001, 2010) marapattalǵan.

40 jyl buryn (1974) Jambyl atyndaǵy Qazaq memlekettik fılarmonııasynyń ánshisi SÚLEIMANOVA Janar Halelqyzy dúnıege keldi.

Almaty qalasynda týǵan. Gnesınder atyndaǵy Reseı Mýzyka akademııasynyń fortepıano fakýltetin (1997) kontsert oryndaýshysy, oqytýshy, kameralyq ansambldiń ártisi mamandyǵy boıynsha; P.I. Chaıkovskıı atyndaǵy Máskeý memlekettik konservatorııasynda assıstentýra-mashyqtanýdy bitirgen (1999). Dj. Verdı atyndaǵy Mılan konservatorııasynda mashyqtanýdan ótken (2006 jyldyń qarashasynan 2007 jyldyń aqpanynan deıin). Italııada jáne Germanııada sheberklastarǵa qatysqan.

«Ilıas Omarov. Jızn ı fılosofııa» (2003) kitabynyń teń avtory. «Sem not» (2000-2001) jáne «Novaıa era» (2001) jýrnaldarynda, «Novoe pokolenıe» (2000-2003) gazetinde jarııalanǵan maqalalardyń avtory. 1992 jyly ol týraly «Ónerpaz bolsań» atty fılm túsirilgen.

Kontserttik qyzmeti jyldarynda 200 kontsert berdi, onyń 80-nen astamy jeke kontserttik. «Akademııa solıstov» orkestrimen Motsart (№20 re mınor) kontsertterine, dırıjeri B. Musahodjaeva (1995); T. Ábdirashevtiń basqarýymen Memlekettik akademııalyq sımfonııalyq orkestrine (I. Brams, №1 kontsert, re mınor, 1997); Ǵ. Jubanova atyndaǵy Memlekettik kvartetpen kontsertte D. Shostakovıchtiń kvıntetine (2002) qatysty.

Jambyl atyndaǵy Qazaq memlekettik fılarmonııasynda jeke kontsertterin (1994, 1996); Memlekettik aǵashtan jasalǵan úrmeli aspaptar kvıntetimen fılm-kontsertte, fılm-kontsórtte jeke baǵdarlamasyn (2008) bergen. Almaty, Astana, Qaraǵandy qalalarynyń; Italııa, Germanııa, Reseı sahnalarynda orkestrimen jáne jeke kontsertterin berdi.

Orys, qazaq, aǵylshyn, nemis, frantsýz, túrik jáne ıtalıan tilderin biledi.

2000 jyldyń qańtarynan beri - Jambyl atyndaǵy Qazaq memlekettik fılarmonııasynyń solısi. Respýblıkalyq pıanıster konkýrsynyń (Kókshetaý q., 1990), óńirlik pıanıster konkýrsynyń laýreaty (Tashkentq., 1991). AQSh-ta ótken Ońtústik Mıssýrı Halyqaralyq pıanıster konkýrsynyń dıplomanty (Mıssýrı, Djoplın, 1992). QazKSR Mýzykalyq qoǵamynyń Qurmet gramotasymen (1990), Italııada ótken«Palma d'Oro» Halyqaralyq konkýrsy fınalısiniń dıplomymen jáne kúmis medalimen (Lıgýrııa, 2000),Jambyl atyndaǵy Qazaq memlekettik fılarmonııasynyń, Vengrııa, Italııa, Polsha elshilikteriniń gramotalarymen jáne alǵystarymen marapattalǵan.

3 8 jyl buryn (1976) boksshy, halyqaralyq dárejedegi sport sheberi, Qazaqstannyń eńbek sińirgen sportshysy, Qazaqstannyń birneshe dúrkin chempıony, Azııa oıyndarynyń chempıony, Qazaqstan - Kýba boksshylarynyń arasynda ótken joldastyq kezdesýdiń jáne Varshavada ótken F.Shtamm atyndaǵy halyqaralyq týrnırdiń jeńimpazy, álem chempıonatynyń, HXVІІ-shi Olımpıadalyq oıyndarynyń kúmis júldegeri DІLDÁBEKOV Muhtarhan Qabylanbekuly dúnıege keldi.

Ońtústik Qazaqstan oblysy Maqtaral aýdanynda týǵan. Muhtar Áýezov atyndaǵy Ońtústik Qazaqstan gýmanıtarlyq ýnıversıtetin, Qoja Ahmet Iasaýı atyndaǵy Halyqaralyq qazaq-túrik ýnıversıtetin bitirgen. Ýnıversıtet qabyrǵasynda júrip bokspen aınalysa bastaǵan, onyń alǵashqy jattyqtyrýshysy Nurǵalı Safıýllın.

XII Azııa oıyndarynyń jeńimpazy, Bangkok qalasy, Álem chempıonatynyń kúmis júldegeri, Hıýston qalasy (AQSh), Sıdneı olımıadasynyı kúmis júldegeri, Shyǵys Azııalyq oıyndarynyń jeńimpazy, Osaka qalasy (Japonııa), XV Azııalyq oıyndarynyń kúmis júldegeri, Doha qalasy (Katar), Afına olımpıadasyna qatysqan. 1998-2000 jyldary - «Lokomatıv» temirjol deneshynyqtyrý jáne sport klýbynyń ádisker-nusqaýshysy, «Lokomatıv» sport klýbynyń sport jónindegi ádisker-nusqaýshysy. 2000-2007 jyldary - Oblystyq keshendi joǵarǵy sport sheberligi mektebiniń jattyqtyrýshy-ustazy. 2007-2008 jyldary - №5 Shymkent qalalyq mamandandyrylǵan bokstan balalar men jasóspirimder sport mektebiniń dırektory qyzmetterin atqarǵan.

2008 jyldan naýryzynan bastap - Ońtústik Qazaqstan oblysynyń bokstan olımpıada rezervin daıyndaıtyn balalar men jasóspirimderdiń sport mektebiniń dırektory qyzmetin atqarady.

Ońtústik Qazaqstan oblysynyń, Maqtaral aýdanynyń Qurmetti azamaty.

«Parasat» ordenimen, medaldarmen marapattalǵan.

60 jyl buryn (1954) Qazaqstandyq softverlik kompanııalar assotsıatsııasynyń baspasóz qyzmetiniń jetekshisi JUMADІLDIN Baqtybaı Asanuly dúnıege keldi.

Ol Qaraǵandy oblysynyń Jańaarqa topyraǵynda týǵan. Máskeýdegi Lomonosov atyndaǵy ýnıversıtetiniń jýrnalıstıka fakýltetin bitirgen tuńǵysh jýrnalıst. «Lenınskaıa smena», «Kazahstanskaıa pravda» gazetinde, «Araı» jýrnalynda istegen. 1989 jyly shyqqan «Álem» almanahynyń jaýapty hatshysy, «KRAMDS-Bıznes» Qazaqstandaǵy birinshi halyqaralyq túrli-tústi gazettiń bas redaktory, «Ǵanıbet» jýrnalynyń bas redaktory, 1996 jyldan bastap respýblıkalyq bilim berýdegi jańa tehnologııalyq ortalyqta bas redaktor, 1997 jyldan «Qazaqstandaǵy ınformatsııalyq tehnologııalary» degen jýrnalǵa bas redaktor bolyp taǵaıyndalǵan. 1991 jyly «KRAMDS-Press» keıin «Kenje-Press-Medıa» atanǵan baspanyń bas redaktory. Qazirgi qyzmetinde 2012 jyldan beri.

201 jyl buryn (1813-1873) aǵylshyn mıssıoneri, kórnekti Afrıka zertteýshisi Davıd LIVINGSTON dúnıege keldi.

11 4 jyl buryn (1900-1958) frantsýz fızıgi, Álem jaqtaýshylarynyń búkilálemdik qozǵalysynyń negizdeýshisi jáne jetekshileriniń biri, Frantsııa Instıtýtynyń múshesi, KSRO Ǵylym Akademııasynyń sheteldik múshesi JOLIO-KıÝRI Frederık dúnıege keldi.

Parıj qalasynda týǵan. Fızıka jáne qoldanbaly hımııa mektebin bitirgen.

Onyń atymen Álem altyn medali bar. 120-ǵa jýyq ǵylymı eńbekter jarııalaǵan. Onyń jartysyna jýyǵyn jubaıy Irenmen birigip jazǵan. Basynda olar «Iren Kıýrı jáne Frederık Jolıo», keıinnen «Iren jáne Frederık Jolıo-Kıýrı» dep jazǵandyqtan olardyń tegi qosylǵan. Jasandy radıoaktıvti qubylysty ashqan úshin, resmı sıpattalǵandaı «radıoaktıvti elementterdiń oryndalǵan sıntezi úshin», 1935 jyly Jolıo-Kıýrı jubaıymen Nobel syılyǵyn ıelendi.

8 4 jyl buryn (1930-2005) opera ánshisi, KSRO halyq ártisi ShTOKOLOV Borıs Tımofeevıch dúnıege keldi.