19 myńnan astam pavlodarlyq kólik salyǵyn tólemegen
PAVLODAR. KAZINFORM — Pavlodar oblysynda 147 myńnan astam avtokólik ıesi tirkelgen. Olardyń menshiginde 220 myńnan astam avtokólik bar.
Qazirgi tańda 19 myńnan astam avtokólik ıesi kólik salyǵy boıynsha jalpy somasy shamamen 655 mln teńge qaryz bolyp otyr.
— Salyqty ýaqytynda tólemegen tulǵalarǵa 2 sáýirden bastap salyq qaryzy týraly habarlamalar jiberiledi. Sonymen qatar, árbir keshiktirilgen kún úshin aıyppul esepteledi. Habarlamany alǵannan keıin salyq tóleýshi 30 jumys kúni ishinde qaryzyn óteýi qajet, — dep habarlady óńirlik memlekettik kirister departamentinen.
Mamandardyń aıtýynsha, eger talap oryndalmasa, avtomatty túrde salyq buıryǵy jasalyp, salyq tóleýshige jiberiledi. Ony 5 jumys kúni ishinde oryndaý qajet. Al buıryq oryndalmaǵan jaǵdaıda jeke sot oryndaýshylary palatasyna jóneltilip, óndirip alý jáne qaryzdy májbúrlep óndirý rásimi júrgiziledi.
Jeke sot oryndaýshylary palatasy jáne polıtsııa departamentimen birlesip, kólik salyǵy boıynsha qaryzdardy anyqtaý maqsatynda reıdtik is-sharalar júrgizilip keledi. Byltyr 250 reıdtik is-shara ótkizilip, nátıjesinde tólemnen jaltaryp júrgen 3 196 salyq tóleýshi óz qaryzyn ótegen.
Eske sala keteıik, 2026 jylǵy 1 qańtardan bastap jańa Salyq kodeksine sáıkes kólik salyǵyn esepteý tártibi ózgerdi.
