19 maýsymda Qazaqstanda ótetin mańyzdy sharalarǵa sholý

ASTANA

9.00-de Nazarbaev Ýnıversıtetiniń Medıtsına mektebinde QR Densaýlyq saqtaý mınıstri Eljan Birtanovtyń qatysýymen «Halyqty medıtsınalyq kómekpen túgel qamtamasyz etý úshin densaýlyq saqtaý salasyn qarjylandyrý reformalary» atty memleketaralyq konferentsııa bastalady.

10.00-de «Úkimet úıinde» Úkimet otyrysy ótedi.

10.00-de EKSPO-2017 Kongress-ortalyǵynda 25-shi Búkilálemdik taý kongresi ashylady.

10.00-de Rixos President qonaqúıinde «Atameken» ulttyq kásipkerler palatasynyń V Sezi aıasynda «Bastaý» jobasynyń qatysýshylary men túlekteriniń forýmy bolady.

Sonymen birge 10.00-de Senatta «Valıýtalyq retteý jáne valıýtalyq baqylaý týraly»; «Qazaqstan Respýblıkasynyń keıbir zańnamalyq aktilerine valıýtalyq retteý jáne valıýtalyq baqylaý, qarjy uıymdarynyń qyzmetin táýekelderge baǵdarlanǵan qadaǵalaý, qarjylyq qyzmetterdi tutynýshylardyń quqyqtaryn qorǵaý jáne Qazaqstan Respýblıkasy Ulttyq Bankiniń qyzmetin jetildirý máseleleri boıynsha ózgerister men tolyqtyrýlar engizý týraly» zań jobalary boıynsha qarjy jáne bıýdjet komıtetiniń keńeıtilgen otyrysy ótedi.

11.00-de «Nur Otan» partııasynyń ortalyq apparatynda 5 áleýmettik bastama týraly beınekonkýrs jeńimpazdary saltanatty túrde marapattalady. Baıqaý #Konkýrs5Bastama heshtegi aıasynda ótti, ártúrli forma men stılden turatyn 25-ten astam beınematerıal jınaldy.

12.00-de Qazmedıa ortalyǵynda IFC (Halyqaralyq qarjy korporatsııasy, Dúnıejúzilik bank tobynyń quramyna kiredi) Latyn Amerıkasy, Karıb basseıni, Eýropa jáne Ortalyq Azııa elderi boıynsha vıtse-prezıdenti Djordjına Beıkerdiń sapary aıasynda IFC Qazaqstandaǵy azyq-túlik ónerkásibiniń iri toptarynyń biri KazFoodProducts kompanııalar tobyna 25 mln AQSh dollaryn ınvestıtsııalaýy týraly kelisimge qol qoıylady.

14.30-da «Hilton Astana» qonaqúıinde Polsha Respýblıkasynyń Kásipkerlik jáne tehnologııalar vıtse-mınıstri Tadeýsh Kosınskııdiń qatysýymen Polsha-Qazaqstan ekonomıkalyq forýmy ótedi.

15.00-de «Nur Otan» partııasynyń ortalyq apparatynda Prezıdenttiń birinshi áleýmettik bastamasy «Árbir otbasyna baspana alýdyń jańa múmkindikterin berýdi» júzege asyrýdy qoǵamdyq qadaǵalaý boıynsha jumys tobynyń birinshi otyrysy ótedi.

15.00-de Senatta Áleýmettik-mádenı damý jáne ǵylym komıtetiniń jáne Ekonomıkalyq saıasat, ınnovatsııalyq damý jáne kásipkerlik komıtetiniń keńeıtilgen otyrystary ótedi.

15.00-de QR Energetıka mınıstri Qanat Bozymbaev halyq aldynda esep beredi.

16.20-da Ortalyq kommýnıkatsııalar qyzmetinde 2017-2018 oqý jylynyń qorytyndylary, ulttyq biliktilik synaǵynyń nátıjeleri jáne UBT-nyń bastalýyna arnalǵan baspasóz máslıhaty ótedi.

18.00-de «Kongress holda» «Rýhanı jańǵyrý» baǵdarlamasy aıasynda Astananyń 20 jyldyǵyna arnalǵan kórme ashylady.

ALMATY

11.00-de balalar arasyndaǵy aýtızm máselesine arnalǵan baspasóz máslıhaty ótedi.

11.00-de Almaty qalasynyń óńirlik kommýnıkatsııalar qyzmetinde «Qaqtyǵystar men daýlardy sotqa jetkizbeı sheshý» taqyrybynda baspasóz konferentsııasy ótedi.

11.00-de «Rýhanı jańǵyrý» baǵdarlamasy aıasynda Almaty qalasynyń Ortalyq mádenıet jáne demalys saıabaǵy aýmaǵynda «Tilder parki» jobasynyń saltanatty ashylýy ótedi.

15.00-de Qazaqstan Respýblıkasynyń Ulttyq kitaphanasynda ǵylymı qyzmetkerlerge arnalǵan zalǵa Sultanǵazın Ómirzaq Mahmutulynyń esimin berýge arnalǵan saltanatty shara bolady.

17.00-de «Qazaqstan» qonaqúıinde «Kıpr» saraptama toby jáne «Soros-Qazaqstan Qory» «Ózin-ózi jumyspen qamtyǵan qazaqstandyqtar: ballast nemese áleýmettik-ekonomıkalyq damý resýrsy» taqyrybynda dóńgelek ústel ótkizedi.

ShYǴYS QAZAQSTAN OBLYSY

11.00-de «Úrjaraıym» (Úrjar aýdany, Naýaly aýyly) jazǵy lagerine ata-ananyń qaraýynsyz qalǵan jáne az qamtylǵan otbasynan shyqqan balalar tegin demalysqa qabyldanady.

OŃTÚSTІK QAZAQSTAN OBLYSY

9:00-de oblys ákimi Ózbekstan Respýblıkasyndaǵy Qazaqstannyń Tótenshe jáne Ókiletti Elshisimen jáne Qazaqstan men Ózbekstan musylmandary dinı basqarmasynyń tóraǵalarymen kezdesedi.

11:00-de Óńirlik kommýnıkatsııalar qyzmetinde shomylý maýsymynyń ashylýyna oraı tótenshe jaǵdaılar departamenti ókilderiniń qatysýymen qaýipsizdikti sharalaryn saqtaý boıynsha brıfıng ótedi.