19 mamyr. Tulǵalar týǵan kún
Búgin, 19 mamyr kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
62 jyl buryn (1963) «LÝKOIL Lýbrıkants Ortalyq Azııa» JShS-nde teńiz jobalary jónindegi dırektordyń orynbasary Alık Serikuly AIDARBAEV dúnıege keldi.
Almaty oblysynda týǵan. Lenın atyndaǵy Qazaq polıtehnıkalyq ınstıtýtyn bitirgen.
1985 jyldan beri munaıgaz salasynda jumys isteıdi. Munaıgaz óndirisinde kásibı damýdyń barlyq satylarynan ótti, aǵa geolog, keıinnen tehnolog, munaı jáne gaz óndirý sheberi, «Mańǵyshlaqmunaı» ÓB «Jetibaımunaı» MGÓB munaı jáne gaz óndirý tsehy bastyǵynyń orynbasary qyzmetterin atqardy. Ár jyldary «OńtústikQazmunaıGaz» óndiristik birlestiginde basshylyq qyzmetter atqardy. «Torǵaı Petroleým» jáne «Mańǵystaýmunaıgaz» AQ bas dırektory qyzmetterin atqardy. 2011 jyly «QazMunaıGaz» Ulttyq kompanııasy» AQ barlaý jáne óndirý jónindegi basqarýshy dırektory, 2011-2013 jyldary «QazMunaıGaz» BÓ» AQ bas dırektory, 2013-2017 jyldary Mańǵystaý oblysynyń ákimi, 2017-2018 jyldary QR Investıtsııalar jáne damý birinshi vıtse-mınıstri, 2018 jyly «Samuryq-Qazyna» Ulttyq ál-aýqat qory» AQ Basqarma tóraǵasynyń orynbasary, 2018-2022 jyldary «QazMunaıGaz» Ulttyq kompanııasy» AQ basqarma tóraǵasy laýazymyn atqarǵan.
«Qurmet», «Parasat» ordenderimen, medaldarmen marapattalǵan.
61 jyl buryn (1964) Qazaqstan Respýblıkasynyń Ózbekstan Respýblıkasyndaǵy Tótenshe jáne Ókiletti Elshisi Beıbit Bákiruly ATAMQULOV dúnıege keldi.
Almaty oblysynda týǵan. Injener-metallýrg mamandyǵy boıynsha Qazaq polıtehnıkalyq ınstıtýtyn, sondaı-aq, ekonomıst mamandyǵy boıynsha Sankt-Peterbýrg memlekettik ekonomıka jáne qarjy ýnıversıtetin támamdaǵan. Ekonomıka ǵylymyndaǵy PhD.
1985 jyly eńbek jolyn Norılsk taý-ken metallýrgııa kombınatynyń mys balqytý zaýytynda balqytýshy bolyp bastady. Óz mansabynyń basynda Shymkent qorǵasyn zaýytynda, QR Syrtqy ekonomıkalyq baılanystar mınıstrliginde, «Qaraǵandy metallýrgııa kombınaty» MAQ-da jáne bızneste jumys istedi.
2006 jyly QR Syrtqy ister mınıstrligine jumysqa ornalasty.2006-2008 jyldary Qazaqstannyń Reseı Federatsııasyndaǵy jáne Iran Islam Respýblıkasyndaǵy Elshiliginiń Keńesshisi jáne keńesshi-elshisi. 2008-2010 jyldary Qazaqstan Respýblıkasynyń Maındaǵy Frankfýrtte Bas konsýly, 2010-2012 jyldary Qazaqstan Respýblıkasynyń Malaızııadaǵy jáne Indonezııa Respýblıkasyndaǵy, Brýneı-Darýssalamdaǵy jáne Fılıppın Respýblıkasyndaǵy Tótenshe jáne Ókiletti Elshisi, 2012-2014 jyldary QR Indýstrııa jáne jańa tehnologııalar mınıstrliginiń Jaýapty hatshysy, 2014-2015 jyldary QR Investıtsııalar jáne damý mınıstrliginiń Jaýapty hatshysy, 2015-2016 jyldary Ońtústik Qazaqstan oblysynyń ákimi, 2016-2018 jyldary QR Qorǵanys jáne aeroǵarysh ónerkásibi mınıstri laýazymyn atqarǵan. 2018-2019 jyldary QR Syrtqy ister mınıstri, 2019-2022 jyldary QR Indýstrııa jáne ınfraqurylymdyq damý mınıstri qyzmetin atqarǵan.
2022 jylǵy 31 qazannan bastap Qazaqstan Respýblıkasynyń Ózbekstan Respýblıkasyndaǵy Tótenshe jáne Ókiletti Elshisi bolyp taǵaıyndaldy.
«Qurmet» ordenimen, «Astananyń 10 jyldyǵy», «Qazaqstan Respýblıkasynyń Táýelsizdigine 20 jyl» mereıtoılyq medaldarymen marapattalǵan.
61 jyl buryn (1964) ánshi, prodıýser Qydyráli Nurtaıuly BOLMANOV dúnıege keldi.
Jezqazǵan oblysynyń Qarsaqbaı aýylynda týǵan. 1991 jyly Almaty teatr-kórkemóner ınstıtýtyn bitirgen.
1995 jyly «Aınalaıyn» dep atalatyn alǵashqy jeke albomyn shyǵarǵan. 1996 jyldan – «ABK» tobynyń negizin qalaýshy, múshesi jáne bas prodıýseri. 2001 jyldan – «Gúlder» ansambliniń kórkemdik jetekshisi. 2005-2007 jyldary Almaty qalasy Mádenıet departamentiniń dırektory bolyp jumys atqardy. 2008 jyldyń sáýirinen Astana qalasy Mádenıet departamentiniń dırektory.
«Daryn» memlekettik jastar syılyǵy komıssııasynyń múshesi jáne Qazaqstan jastar odaǵy syılyǵyn tapsyrý boıynsha komıssııanyń tóraǵasy. «Jiger» respýblıkalyq konkýrsynyń (1988), Qazaqstan jastar odaǵy syılyǵynyń (1994), «Daryn» memlekettik jastar syılyǵynyń (2000), Groznyı qalasy Búkilodaqtyq stýdent jastar konkýrsynyń I syılyǵynyń (1987), Danııada ótken «Bornholm-90» halyqaralyq konkýrstyń I syılyǵynyń (1990), Lıtvada ótken «Vılnıýs» halyqaralyq konkýrsynyń III syılyǵynyń laýreaty (1993). «Azııa daýysy» halyqaralyq konkýrsynyń dıplomanty (1991), Gollıvýdta ótken oryndaýshylyq ónerden halyqaralyq chempıonatta «Basqalarǵa uqsamaıtyn vokal» nomınatsııasy boıynsha I oryndy jáne altyn medal aldy (AQSh, 2001), Sheshenstan men Ingýshetııa Respýblıkalarynyń Eńbek sińirgen óner qaıratkeri (2005).
60 jyl buryn (1965) Qazaqstan ınnovatsııalyq jáne telekommýnıkatsııalyq júıeler ýnıversıtetiniń rektory Álibı Naýhanuly BAıAHOV dúnıege keldi.
Aqjaıyq aýdany Kalmykovo kentinde dúnıege keldi. Aýylsharýashylyq ǵylymdarynyń doktory, QR Ulttyq ınjenerlik akademııasynyń korrespondent-múshesi, Reseı Jaratylystaný ǵylym akademııasynyń akademıgi.
Batys Qazaqstannyń ınjenerlik ǵylym jáne bilim jańalyqtary" ǵylymı-tehnıkalyq jornaly redaktorynyń orynbasary. Ǵylymı salasy: agroónerkásip kesheni, bıotehnologııa jáne energııa únemdeý tehnologııalary. 100-den astam ǵylymı eńbekterdiń, 3 monografııa, Respýblıkalyq oqý-ádistemelik komıssııa usynǵan 3 oqý jáne 2 elektrondyq oqý quralynyń avtory. Aqjaıyq et-júndi krossbred qoı tuqymy, BALI -1395; BAK-4087, BQATÝ zaýyttyq jelileriniń jáne aqjaıyq qoılarynyń etti tıpiniń avtory, 4 patent ıegeri. Ǵylymı taǵylymdamadan Dıýsseldorf q. ǴZI (Germanııa) jáne Belarýs Respýblıkasy Ǵylym akademııasynyń janyndaǵy genetıka jáne tsıtologııa ınstıtýtynda ótti. "Arhımed-2018" XXI Máskeý halyqaralyq ónertabystar jáne ınnovatsııalyq tehnologııalar salonynyń Altyn jáne Kúmis medaldarmen marapattaldy. «ıAlta órkenıet klýbynyń jáne ashyq órkenıet dıalog» ýnıversıtetiniń múshesi Máskeý, RF.
"Jańarý"sybaılas jemqorlyqqa qarsy jalpyulttyq qozǵalys" RQB Batys Qazaqstan fılıaly dırektorynyń orynbasary. Qazaqstan Respýblıkasy Bilim jáne ǵylym mınıstrligi "QR joǵary oqý oryndarynyń úzdik oqytýshysy - 2017". Qazaqstan Respýblıkasy Bilim jáne ǵylym mınıstrliginiń "Qazaqstan Respýblıkasynyń ǵylymyn damytýǵa sińirgen eńbegi úshin", "Y. Altynsarın" atyndaǵy, "Qazaqstan Respýblıkasynda ınjenerlik isti damytýdaǵy eńbegi úshin" tós belgilerimen jáne QR Sybaılas jemqorlyqqa qarsy is-qımyl Agenttiginiń Qurmet gramotasymen marapattalǵan.
42 jyl buryn (1983) QR Ekologııa jáne tabıǵı resýrstar mınıstrligi Ekologııalyq retteý jáne baqylaý komıtetiniń Aqmola oblysy boıynsha ekologııa departamentiniń bastyǵy Maǵzum Ashatuly QUQYMBAEV dúnıege keldi.
1983 jyly 19 mamyrda dúnıege kelgen. Sh.Ýálıhan atyndaǵy Kókshetaý memlekettik ýnıversıtetin agroekologııa mamandyǵy boıynsha bitirgen (2006).
Eńbek joly: «Aqmola oblystyq qorshaǵan ortany qorǵaý basqarmasy» MM mamany (2006-2007); «Qazaqstan standarttaý jáne sertıfıkattaý ınstıtýty» RMK Aqmola fılıalynyń jetekshi mamany (2007-2008); Qazaqstan Respýblıkasy Energetıka mınıstrligi Ekologııalyq retteý jáne baqylaý komıtetiniń Esil ekologııa departamenti Aqmola fılıaly Qaldyqtardy basqarý sektorynyń bas mamany (2008-2012); «Qazaqstan Respýblıkasy Energetıka mınıstrligi Ekologııalyq retteý jáne baqylaý komıtetiniń Aqmola oblysy boıynsha ekologııa departamenti» RMÝ tabıǵatty paıdalanýdy retteý basqarmasynyń bastyǵy (2012-2013); «Qazaqstan Respýblıkasy Energetıka mınıstrligi Ekologııalyq retteý jáne baqylaý komıtetiniń Aqmola oblysy boıynsha Ekologııa departamenti» RMM Memlekettik ekologııalyq baqylaý basqarmasynyń bas mamany (2017-2018 jj.); «Qazaqstan Respýblıkasy Ekologııa, geologııa jáne tabıǵı resýrstar mınıstrligi Ekologııany retteý jáne baqylaý komıtetiniń Aqmola oblysy boıynsha Ekologııa departamenti» RMM Memlekettik ekologııalyq baqylaý basqarmasynyń basshysy (2018-2019); «Kókshetaý sý arnasy» saqtaý qoımasy memlekettik kásipornynyń ınjener-ekology (2019-2020); «Qazaqstan Respýblıkasy Ekologııa, geologııa jáne tabıǵı resýrstar mınıstrligi Ekologııany retteý jáne baqylaý komıtetiniń Aqmola oblysy boıynsha Ekologııa departamenti» RMM Memlekettik ekologııalyq baqylaý basqarmasynyń basshysy (2020-2021); «Qazaqstan Respýblıkasy Ekologııa, geologııa jáne tabıǵı resýrstar mınıstrligi Ekologııany retteý jáne baqylaý komıtetiniń Pavlodar oblysy boıynsha ekologııa departamenti» RMM bastyǵynyń orynbasary (2021-2024).
2024 jyldyń tamyzynan beri qazirgi qyzmetinde.
42 jyl buryn (1983) QR Ortalyq saılaý komıssııasynyń múshesi Azamat Maqsotuly dúnıege keldi.
Atyraý oblysy, Inder aýdany, Kóktoǵaı aýylynda týǵan. Atyraý memlekettik ýnıversıtetin (2005), Qazaqstan Respýblıkasy Prezıdentiniń janyndaǵy Memlekettik basqarý akademııasyn (2013), Frantsııanyń Ulttyq ákimshilik mektebin (ENA) bitirgen.
Eńbek joly: Atyraý qalasyndaǵy №31 orta mektep dırektorynyń tárbıe isi jónindegi orynbasary (2005-2007); Atyraý oblysy ákimi apparatynyń qoǵamdyq-saıası bóliminiń bas mamany (2007-2008); Atyraý oblysy ákimi apparatynyń uıymdastyrý-taldaý bóliminiń bas mamany (2008-2010); Atyraý oblysy ákimi apparatynyń bas ınspektory (2010-2011); Atyraý oblysy ákimi apparatynyń baqylaý, uıymdastyrý-ınspektorlyq, qujattardyń oryndalýyn baqylaý jáne taldaý bólimderiniń meńgerýshisi (2011-2014); Atyraý oblysy Mahambet aýdany ákiminiń orynbasary (2015-2017); Ádep jónindegi ýákil, Atyraý oblysy ákimi apparatynyń bas ınspektory (2017-2019); Atyraý oblysy aýmaqtyq saılaý komıssııasynyń tóraǵasy (2019-2024).
Qazirgi qyzmetinde 2024 jyldyń qarashasynan beri atqaryp keledi.
«Qurmet» ordenimen marapattalǵan.