19 qyrkúıek. Týǵan kún ıeleri
ESІMDER
113 jyl buryn (1905-1983) aqyn TOQMAǴAMBETOV Asqar dúnıege keldi. Qyzylorda oblysynyń Syrdarııa aýdanynda týǵan. Uly Otan soǵysyna qatysqan. Tashkent polıtehnıkýmyn, Máskeý Baspa ınstıtýtyn bitirgen. «Lenınshil jas», «Sotsıalıstik Qazaqstan», «Qazaq ádebıeti» gazetteri men «Ara» jýrnalynda qyzmet istegen. Qazaqstan Jazýshylar odaǵynyń Shymkent, Qyzylorda oblystary boıynsha jaýapty hatshysy bolǵan. 1928 jyldan bastap óleńderi men poemalary, ocherkteri men feletondary jeke kitap bolyp basylyp shyqty. Otan soǵysy jyldarynda jaýyngerlerdiń maıdandaǵy erlikterin, halyqtar dostyǵy, soǵystan keıingi jyldarda beıbit ómir tynysyn óz shyǵarmalaryna arqaý etti. «Hat», «Baqyt kilti», «Qaskeleń», «Ómirge jol», «Agronom kóktemi», «Batyr Álı», «Aqyn taǵdyry», «Kreml saqshysy», «Ajaldy jeńgen alyptar», «Batyrlar dastany», «Ýborşıtsa», «Berlın kóshesinde», «Ispanııa», «Qarańǵy túnde», «Reın jaǵasynda» poemalarynyń, «Bizdiń Sáýle», «Qosh aman bol», «Bátımanyń haty», «Kút meni», «Súıgen jarǵa» taǵy basqa ánge arnalǵan óleńderiniń, Ybyraı Jaqaev ómirin beıneleıtin «Qyran tuǵyrdan ushady», Qazan tóńkerisiniń qarsańyndaǵy aýyl ómirin sýretteıtin «Aqmonshaq» (O.Bodyqovpen birge), «Qarbalasta» povesteri men romandarynyń, «Jyr kúmbezi» atty tarıhı romannyń avtory. «Eki zań», «Saılaý», «Aldar Kóse», «Bir semıa» atty pesalary bar. S.Aınıdiń «Quldar» romanyn qazaqshaǵa aýdardy. Qazan tóńkerisi, І dárejeli Otan soǵysy, úsh ret Eńbek Qyzyl Tý ordenderimen jáne medaldarmen marapattalǵan.
58 jyl buryn (1960) «Qazaqstan halyq banki» AQ Dırektorlar keńesiniń múshesi SÁIDENOV Ánýar Ǵalımollauly dúnıege keldi.
Máskeý qalasynda týǵan. M.V.Lomonosov atyndaǵy Máskeý memlekettik ýnıversıtetin, aspırantýrasyn jáne London ýnıversıtetin bitirgen. 1994-1996 jyldary - Eýropalyq qaıta qurý jáne damý bankiniń konsýltanty, bankıri. 1996-1998 jyldary - QR Ulttyq banki tóraǵasynyń orynbasary. 1998-1999 jyldary - QR Investıtsııa jónindegi memlekettik komıtetiniń atqarýshy dırektory, QR Investıtsııa jónindegi agenttiginiń tóraǵasy. 1999-2000 jyldary - QR qarjy vıtse-prezıdenti. 2000-2001 jyldary - «Qazaqstan Eksımbanki» JAQ Dırektorlar keńesiniń tóraǵasy. 2000-2004 jyldary - «Qazaqstan Halyqtyq jınaqtaý banki» AAQ basqarma tóraǵasynyń mindetin atqarýshy, tóraǵasy. «Qazaqstan Halyqtyq jınaqtaý banki» AAQ Dırektorlar keńesi tóraǵasynyń mindetin atqarýshy, tóraǵasy, 2004-2009 jyldary QR Ulttyq banki tóraǵasynyń orynbasary, tóraǵasy qyzmetterin atqarǵan. 2009 jyldan «BTA Bank» aktsıonerlik qoǵamynyń basqarma tóraǵasynyń keńesshisi, 17 aqpannan «BTA Bank» aktsıonerlik qoǵamynyń dırektorlar keńesiniń sheshimimen basqarma tóraǵasy bolyp taǵaıyndalǵan. 2011 jyldyń 15 tamyzynan - BTA bank dırektorlar keńesiniń tóraǵasy bolǵan. 2013 jylǵy aqpannan bastap «SB Capital» JShS baqylaýshylar keńesiniń tóraǵasy qyzmetin atqardy.
Al 2014 jyldyń 14 mamyrynan bastap dırektorlar keńesiniń sheshimimen «Almaty halyqaralyq áýejaıy» AQ dırektorlar keńesiniń tóraǵasy bolyp saılanǵan bolatyn.
Ánýar Sáıdenov Almaty áýejaıynyń táýelsiz dırektory bolyp taǵaıyndaldy (2014-2016).
«Qazaqstan Respýblıkasynyń Tuńǵysh Prezıdenti Nursultan Nazarbaev» ordenimen jáne «Qazaqstan Respýblıkasynyń Parlamentine 10 jyl» mereıtoılyq medaldarmen marapattalaǵan.
2016 jyldyń sáýirinen bastap osy qyzmeti atqaryp kele jatyr.
45 jyl buryn (1973-2003) sportshy, velosıped sportynan halyqaralyq dárejedegi sheber, Qazaqstan ulttyq qurama komandasynyń múshesi KIVILEV Andreı Mıhaılovıch dúnıege keldi. Taldyqorǵan qalasynda týǵan. 1994 jyly Japonııanyń Hırosıma qalasynda ótken Azııa oıyndarynyń chempıony, Anglııada, Avstrııada, Japonııada, Italııada, Ekvadorda, Indonezııada ótken halyqaralyq jarystardyń birneshe dúrkin júldegeri.
40 jyl buryn (1978) Qazaqstan Respýblıkasynyń Parlament Májilisi apparat basshysynyń orynbasary - MEDEÝBAI Darhan Amanbekuly dúnıege keldi.
Bilimi joǵary: Qaraǵandy memlekettik tehnıkalyq ýnıversıteti, ınjener; Qaztutynýodaǵynyń Qaraǵandy ekonomıkalyq ýnıversıteti, qarjy bakalavry. Eńbek jolyn 2002 jyly Qaraǵandy qalalyq salyq komıtetinde bas maman bolyp bastady. 2005-2009 jyldary - Qaraǵandy oblysy ákimi apparatynyń bas mamany. 2009-2012 jyldary - «Nur Otan» HDP Tóraǵasy Birinshi orynbasarynyń kómekshisi, «Nur Otan» HDP Ortalyq apparaty Uıymdastyrý-partııalyq jumys jónindegi departamenti dırektorynyń orynbasary. 2012-2014 jyldary - Qazaqstan Respýblıkasy Parlamenti Májilisiniń Apparatynda Halyqaralyq baılanystar jáne Hattama bólimi meńgerýshisiniń orynbasary, Májilis Tóraǵasynyń kómekshisi, Uıymdastyrý-baqylaý jáne kadr jumysy bólimi meńgerýshisiniń orynbasary, Májilis Tóraǵasynyń keńesshisi qyzmetterin atqardy. 2014-2015 jyldary - Qazaqstan Respýblıkasy Prezıdenti Protokolynyń ınspektory. 2015-2016 jyldary - Qazaqstan Respýblıkasy Prezıdenti Ákimshiligi Basshysynyń Hatshylyǵy meńgerýshisiniń orynbasary. 2016 jyldyń maýsym aıynan bastap - QR Parlamenti Májilisi Apparaty Basshysynyń orynbasary.
"Qazaqstan Respýblıkasynyń táýelsizdigine 20 jyl" merekelik medalimen nagradtalǵan.
35 jyl buryn (1984) Qazaqstan Respýblıkasynyń Ulttyq ekonomıka mınıstrligi Tabıǵı monopolııalardy retteý jáne básekelestikti qorǵaý komıteti tóraǵasynyń orynbasary - DARBAEV Asan Kóbentaıuly dúnıege keldi.
Eńbek jolyn 2005 jyly QR Qarjy mınıstrliginiń Almaty qalasy boıynsha Dármensiz boryshkerlermen jumys komıtetinde jetekshi maman laýazymynan bastady. 2006 jyldan bastap monopolııaǵa qarsy salada Almaty qalasy boıynsha monopolııaǵa qarsy basqarmanyń bas mamany, bólim bastyǵy qyzmetin atqardy.
2013 jyldan bastap Monopolııaǵa qarsy organnyń ortalyq apparatynda basqarma basshysy, departament dırektorynyń orynbasary laýazymynda boldy.
2015 jyldyń maýsymynan bastap osy qyzmetti atqaryp kele jatyr.