19 qyrkúıek kúni Qazaqstannyń basym bóliginde aýa raıy turaqsyz bolady
ASTANA. QazAqparat - 19 qyrkúıek kúni Qazaqstannyń kóptegen bólikterinde turaqsyz aýa raıy kútiledi, keı jerlerde jańbyr jaýady, jel kúsheıedi, tek batysta jaýyn-shashynsyz bolady. Túnde jáne tańerteń keı jerlerde tuman bolýy múmkin.
Bul týraly Qazgıdromet habarlady.
Almaty, Ońtústik Qazaqstan oblystarynda, tańerteń jáne kúndiz Jambyl, Qostanaı, Qaraǵandy, Shyǵys Qazaqstan oblystarynyń keı jerlerinde jel 15-20 m/s kúsheıedi. Mańǵystaý, Batys Qazaqstan, Soltústik Qazaqstan oblystarynyń keı jerlerinde tuman kútiledi. Aqmola oblysynyń keı jerlerinde túnde jáne tańerteń tuman bolady, kúndiz jel 15-20 m/s kúsheıedi.
Qyzylorda oblysynda, Ońtústik Qazaqstan, Jambyl, Batys Qazaqstan, Qaraǵandy, Qostanaı oblystarynyń keı jerlerinde óte joǵary órt qaýpi saqtalady.
